മാധ്യമം വാർത്തക്ക്​ ഫലംകണ്ടു; തകർന്ന റോഡിലെ കുഴികളടച്ചു യാത്രാദുരിതം ഒഴിവായി

തകർന്ന മുക്കം പീസി ജങ്ഷൻ - മാമ്പറ്റ റോഡിന് ശാപമോക്ഷം, കുഴികൾ നികത്തി നാല് വർഷം മുമ്പ് നിർമിച്ച റോഡിൽ വൻ കുഴികൾ പ്രത്യക്ഷപ്പെട്ട് കാൽനടയാത്രപോലും ദുരിതമായിരുന്നു. ഇക്കാര്യം ആഗസ്റ്റ് നാലിന് മാധ്യമം വാർത്തയാക്കിയിരുന്നു. തിങ്കളാഴ്ച റോഡിലെ കുഴികൾ പൂർണമായും അധികൃതർ അടച്ചു. അതേ സമയം ഇതേ റോഡ് കടന്ന് പോകുന്ന കെ.എസ്.ഇ.ബി ഓഫിസിന് മുമ്പിൽ വാട്ടർ അതോറിറ്റിയുടെ കുടിവെള്ള പൈപ്പിടാൻ റോഡ് വെട്ടിക്കീറിയതിനെ തടർന്ന് വൻ ചാലുകളായിരുന്നു. ഈ ചാലും അടച്ചിട്ടുണ്ട്. നിരവധി അപകടങ്ങളാണ് രണ്ടാഴ്ചക്കുള്ളിൽ ഈ റോഡിൽ സംഭവിച്ചത്.