മെഡിക്കൽ കോളജിലേക്ക് ഉപകരണങ്ങൾ സമ്മാനിച്ച് എംപ്ലോയീസ് യൂനിയൻ

കോഴിക്കോട്: മെഡിക്കൽ കോളജിന് കീഴിൽ ജോലിചെയ്യുന്ന തൊഴിലാളികളുടെ വക കോളജിന് വിവിധ ഉപകരണങ്ങൾ സമ്മാനിച്ചു. 'കാരുണ്യ സ്പർശം 2017' എന്ന പേരിൽ സ്റ്റേറ്റ് എംപ്ലോയീസ് യൂനിയൻ മെഡിക്കൽ കോളജ് ബ്രാഞ്ച് ആണ് ആശുപത്രിക്ക് ഉപകരണങ്ങൾ നൽകിയത്. വിവിധ ഒ.പികളിലേക്ക് പബ്ലിക് അഡ്രസിങ് സിസ്റ്റം, റഫ്രിജറേറ്റർ, എ.സി മെക്കാനിക്കൽ മെഷീൻ തുടങ്ങിയ ഉപകരണങ്ങളാണ് നൽകിയത്. മെഡിക്കൽ കോളജ് മെഡിസിൻ സെമിനാർ ഹാളിൽ നടന്ന ചടങ്ങിൽ എം.കെ. രാഘവൻ എം.പി ആശുപത്രി സൂപ്രണ്ട് ഡോ. കെ.ജി. സജിത്ത്കുമാറിന് ഉപകരണങ്ങൾ നൽകി ഉദ്ഘാടനം ചെയ്തു. ത്രിതല കാൻസർ സ​െൻററി​െൻറ രണ്ടാം തല വികസനത്തിനുവേണ്ടിയുള്ള ഫണ്ട് കേന്ദ്രത്തിൽനിന്ന് ഉടൻ ലഭ്യമാക്കുെമന്നും കാഷ്വാലിറ്റി കോംപ്ലക്സി​െൻറ നിർമാണ പ്രവൃത്തി അടുത്തമാസം തുടങ്ങുമെന്നും എം.പി പറഞ്ഞു. കാൻസർ സ​െൻറർ രണ്ടാം ഘട്ടത്തിനുള്ള പ്രൊജക്ട് തയാറാക്കാൻ അദ്ദേഹം സൂപ്രണ്ട്, പ്രിൻസിപ്പൽ എന്നിവരോടാവശ്യപ്പെട്ടു. എസ്.ഇ.യു ബ്രാഞ്ച് പ്രസിഡൻറ് ഹനീഫ പനായി അധ്യക്ഷത വഹിച്ചു. സി.എച്ച് സ​െൻറർ ജനറൽ സെക്രട്ടറി എം.എം. റസാഖ് മുഖ്യപ്രഭാഷണം നടത്തി. പ്രിൻസിപ്പൽ ഡോ. വി.ആർ. രാജേന്ദ്രൻ, കെ.ജി. സജിത്ത്കുമാർ, സൂപർസ്പെഷ്യാലിറ്റി സൂപ്രണ്ട് ഡോ. കെ.എം. കുര്യാക്കോസ്, ഡോ. കെ. അജിത്കുമാർ, എസ്.ഇ.യു സംസ്ഥാന സെക്രട്ടറി മുഹമ്മദ് മുസ്തഫ, കെ.പി. അനീഷ്കുമാർ, ടി. രത്നദാസ്, ബപ്പൻകുട്ടി നടുവണ്ണൂർ, ഡോ. ടി.പി. അഷ്റഫ്, മുസ്തഫ എലത്തൂർ എന്നിവർ സംസാരിച്ചു. സിവിൽ സർവിസ് പരീക്ഷയിൽ റാങ്ക് കരസ്ഥമാക്കിയ ഹംന മറിയം, നാടക പുരസ്കാര ജേതാവായ സൂപ്പർസ്പെഷാലിറ്റി ബ്ലോക്കിലെ ഫാർമസിസ്റ്റ് ഇ.കെ. രാധാകൃഷ്ണൻ എന്നിവരെ ആദരിച്ചു. എസ്.ഇ.യു ബ്രാഞ്ച് സെക്രട്ടറി എസ്.എം. സജാദ് സ്വാഗതവും ജോ. സെക്രട്ടറി അൻവർ അബ്ദുല്ല നന്ദിയും പറഞ്ഞു.