ഒളവണ്ണ കമ്യൂണിറ്റി ഹെൽത്ത് സെൻറർ ഐ.പി കെട്ടിട ശിലാസ്ഥാപനം

പന്തീരാങ്കാവ്: ഒളവണ്ണ കമ്യൂണിറ്റി ഹെൽത്ത് സ​െൻറർ കിടത്തിച്ചികിത്സ വിഭാഗം കെട്ടിടംനിർമാണത്തി​െൻറ ശിലാസ്ഥാപനം പി.ടി.എ. റഹീം എം.എൽ.എ നിർവഹിച്ചു. കോഴിക്കോട് ബ്ലോക്ക് പഞ്ചായത്ത് പ്രസിഡൻറ് എൻ. മനോജ് കുമാർ അധ്യക്ഷത വഹിച്ചു. എം.എൽ.എയുടെ പ്രാദേശിക വികസന ഫണ്ടിൽനിന്ന് ഒരുകോടി രൂപ മുടക്കിയാണ് നിർമാണം. ഒളവണ്ണ ഗ്രാമപഞ്ചായത്ത് പ്രസിഡൻറ് കെ. തങ്കമണി, ജില്ല പഞ്ചായത്ത് മെംബർ സി. ഉഷ, ബ്ലോക്ക് വൈസ് പ്രസിഡൻറ് ഹസീന, ബ്ലോക്ക് സ്റ്റാൻഡിങ് കമ്മിറ്റി ചെയർമാന്മാരായ പി.ജി. വിനീഷ്, ദിനേശ് ബാബു, മുൻ ബ്ലോക്ക് പ്രസിഡൻറ് എം.എം. ശശിധരൻ, ബ്ലോക്ക് സ്റ്റാൻഡിങ് കമ്മിറ്റി ചെയർപേഴ്സൻ ടി.പി. സുമ എന്നിവർ സംസാരിച്ചു.