സീബ്രാ ലൈൻ മാഞ്ഞു; വിദ്യാർഥികളെ മുട്ടിയുരുമ്മി വാഹനങ്ങൾ

കുറ്റ്യാടി: ടൗണിൽ സംസ്ഥാന പാതയിലെ സീബ്രലൈനുകൾ മാഞ്ഞതോടെ കാൽനടയാത്രക്കാർ ദുരിതത്തിൽ. ബസ്സ്റ്റാൻഡ്, വിദ്യാലയങ്ങൾ, ഓഫിസുകൾ തുടങ്ങി തിരക്കേറിയ സ്ഥലങ്ങളിലൊന്നും ഇപ്പോൾ സീബ്രലൈനുകൾ ഇല്ല. ഇതുസംബന്ധിച്ച് നാട്ടുകാർ പരാതി നൽകിയെങ്കിലും നടപടിയൊന്നും ഉണ്ടായിട്ടില്ല. തിരക്കേറിയ വടകര റോഡിൽ എം.ഐ.യു.പി സ്കൂളിനു സമീപം വിദ്യാർഥികളെ മുട്ടിയുരുമ്മിയാണ് വാഹനങ്ങൾ കടന്നുപോകുന്നത്. സീബ്രലൈൻ ഇല്ലാത്തതിനാൽ കുട്ടികൾ ഉൾപ്പെടെ കാൽനടക്കാർ ക്രമമില്ലാതെ റോഡി​െൻറ പല ഭാഗങ്ങളിൽ മുറിച്ചുകടക്കുന്നത് വാഹനങ്ങൾക്കും പ്രയാസം സൃഷ്ടിക്കുന്നുണ്ട്. ഇത് കൂടുതൽ ഗതാഗതക്കുരുക്കിനും ഇടയാക്കുന്നു. വടകര റോഡിൽ സീബ്രലൈൻ വരയുന്നതിന് അടിയന്തര നടപടി സ്വീകരിക്കണമെന്ന് എം.ഐ.യു.പി സ്കൂൾ പി.ടി.എ ആവശ്യപ്പെട്ടു.