മാവൂരിൽ കോളറ ലക്ഷണവുമായി ഒരാൾകൂടി ആശുപത്രിയിൽ

മാവൂർ: കോളറ രോഗലക്ഷണവുമായി ഒരാളെക്കൂടി ബുധനാഴ്ച മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. മാവൂർ -കൂളിമാട് റോഡിലെ കെട്ടിടത്തിൽ താമസിക്കുന്ന ഇതരസംസ്ഥാന തൊഴിലാളിയെയാണ് ആശുപത്രിയിലെത്തിച്ചത്. കോളറ രോഗബാധ സ്ഥിരീകരിച്ച തെങ്ങിലക്കടവിൽ നേരത്തെ, ഇയാൾ താമസിച്ചിരുന്നുവെന്ന് കൂടെയുള്ളവർ പറഞ്ഞു. കഴിഞ്ഞദിവസങ്ങളിൽ തെങ്ങിലക്കടവിൽനിന്ന് ഇതര സംസ്ഥാന തൊഴിലാളികളെ മുഴുവൻ ഒഴിപ്പിച്ചിരുന്നു. തെങ്ങിലക്കടവിൽ നേരത്തെ, 14 പേർക്കാണ് കോളറ രോഗലക്ഷണം കണ്ടത്. ഇതിൽ ഏഴുപേരെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചിരുന്നു. ഇതിൽ രണ്ടുപേർക്ക് കോളറ സ്ഥിരീകരിക്കുകയും ചെയ്തു. ............................ p3cl15