വി.സി. ദിലീപ് കുമാറിെൻറ മരണം; മുഖ്യമന്ത്രിക്ക് പരാതി നൽകി

മാനന്തവാടി: എടവക അയിലമൂലയിലെ വി.സി. ദിലീപ് കുമാറി​െൻറ മരണവുമായി ബന്ധപ്പെട്ട് കാര്യക്ഷമമായ അന്വേഷണം നടത്തി കുറ്റക്കാരെ കണ്ടെത്തണമെന്നാവശ്യപ്പെട്ട് ദിലീപി​െൻറ ഭാര്യ എം.വി. ധന്യ മുഖ്യമന്ത്രിക്ക് പരാതി നൽകി. മാനന്തവാടി സബ് ട്രഷറി ഓഫിസിലെ ജൂനിയർ അക്കൗണ്ടൻറായിരുന്ന ദിലീപിനെ 2016 നവംബർ 17-നു വീടിനു സമീപത്തെ സ്വകാര്യ തോട്ടത്തിലാണ് മരിച്ചനിലയിൽ കണ്ടെത്തിയത്. 14- മുതൽ ഇദ്ദേഹത്തെ കാണാനില്ലായിരുന്നു. ആത്മഹത്യ ചെയ്യേണ്ട ഒരു സാഹചര്യവും ത​െൻറ ഭർത്താവിനുണ്ടായിരുന്നില്ലെന്നും മുമ്പ് കേസ് അന്വേഷിച്ച പൊലീസിനോട് ഇക്കാര്യം അറിയിച്ചിരുന്നെങ്കിലും ഇതു മുഖവിലയ്ക്കെടുക്കാതെ ഭർത്താവി​െൻറ മരണം ആത്മഹത്യയാക്കി മാറ്റാൻ ചിലർ പ്രത്യേക താൽപര്യം കാട്ടിയതായി ധന്യ ആരോപിക്കുന്നു. ദിലീപ് കുമാറി​െൻറ മരണവുമായി ബന്ധപ്പെട്ട് ഭാര്യയായ താനും മരണത്തിലെ ദുരൂഹത പുറത്തുകൊണ്ടുവരണമെന്നാവശ്യപ്പെട്ട് രൂപവത്കരിച്ച കർമസമിതിയും മുമ്പ് രണ്ടു തവണ ജില്ല പൊലീസ് മേധാവിമാർക്ക് പരാതി നൽകിയെങ്കിലും മറുപടിയൊന്നും ലഭിച്ചില്ലെന്ന് ധന്യ നൽകിയ പരാതിയിൽ പറയുന്നു. TUEWDL16 വി.സി. ദിലീപ് കുമാർ