ഡ്രൈവിങ്​ ലൈസൻസ്: ഭിന്നശേഷിക്കാർക്ക്​ ക്യാമ്പ്​ സംഘടിപ്പിക്കണമെന്നാവശ്യം

ഡ്രൈവിങ് ലൈസൻസ്: ഭിന്നശേഷിക്കാർക്ക് ക്യാമ്പ് സംഘടിപ്പിക്കണമെന്നാവശ്യം കോഴിക്കോട്: ആർ.ടി ഒാഫിസുകൾ വീൽചെയർ സൗഹൃദമല്ലാത്തതിനാൽ ഭിന്നശേഷിക്കാർക്ക് ഡ്രൈവിങ് ലൈസൻസ് കിട്ടാനും ലേണേഴ്സ് ടെസ്റ്റിനും മറ്റു പരിശോധനകൾക്കുമായി സ്പെഷൽ ക്യാമ്പ് സംഘടിപ്പിക്കണമെന്ന് ആവശ്യപ്പെട്ട് ഒാൾ കേരള വീൽചെയർ റൈറ്റ്സ് ഫെഡറേഷൻ കലക്ടർക്ക് നിവേദനം നൽകി. കലക്ടർ നിവേദനം ബന്ധപ്പെട്ട ഉദ്യോഗസ്ഥർക്ക് കൈമാറി. ബിജു കണ്ണന്തറ, മുഹമ്മദ് അലി വഴിയോരം, രതീഷ് വെളിമണ്ണ, മിശ്ര കൊടുവള്ളി, അജി കൂടരഞ്ഞി എന്നിവർ നിവേദക സംഘത്തിലുണ്ടായിരുന്നു.