സന്നദ്ധ പ്രവർത്തകരുടെ ഗൃഹസന്ദർശനത്തിന് ഇന്ന് മുതൽ

സന്നദ്ധ പ്രവർത്തകരുടെ ഗൃഹസന്ദർശനം ഇന്നു മുതൽ കോഴിക്കോട്: കേരളത്തെ സമ്പൂർണ മാലിന്യരഹിത സംസ്ഥാനമാക്കി മാറ്റാൻ ലക്ഷ്യമിട്ട് സംസ്ഥാന ഹരിതകേരളം മിഷ​െൻറ ആഭിമുഖ്യത്തിൽ നടപ്പാക്കുന്ന 'മാലിന്യത്തിൽനിന്ന് സ്വാതന്ത്ര്യം' പരിപാടിയോടനുബന്ധിച്ച് സന്നദ്ധ പ്രവർത്തകർ നടത്തുന്ന ഗൃഹസന്ദർശനം ഞായറാഴ്്ച ആരംഭിക്കും. 'കില'യുടെ നേതൃത്വത്തിൽ പ്രത്യേക പരിശീലനം നേടിയ കുടുംബശ്രീ പ്രവർത്തകർ, അംഗൻവാടി ടീച്ചർമാർ, ആശാ വർക്കർമാർ, സന്നദ്ധ പ്രവർത്തകർ, രാഷ്ട്രീയ-സാമൂഹിക പ്രവർത്തകർ, വിരമിച്ച ജീവനക്കാർ തുടങ്ങിയവരാണ് വളൻറിയർമാരായി വീടുകൾ സന്ദർശിക്കുന്നത്. വിവരശേഖരണവും ബോധവത്കരണവുമാണ് ഗൃഹസന്ദർശനത്തി​െൻറ ലക്ഷ്യം. ഈ മാസം 15ന് നടക്കുന്ന 'മാലിന്യത്തിൽനിന്ന് സ്വാതന്ത്ര്യം' എന്ന പ്രഖ്യാപനത്തിന് മുന്നോടിയായി ആരംഭിക്കുന്ന ഗൃഹസന്ദർശന പരിപാടി 13 വരെ നീളും.