യുവതിയെ ഫോണിൽ ശല്യം ചെയ്​ത രണ്ടുപേരെ നാട്ടുകാർ പിടികൂടി

യുവതിയെ ഫോണിൽ ശല്യം ചെയ്ത രണ്ടുപേരെ നാട്ടുകാർ പിടികൂടി ചെറുകുളം: ഭർതൃമതിയായ യുവതിയെ ഫോണിൽ ശല്യം ചെയ്ത രണ്ടുപേരെ നാട്ടുകാർ പിടികൂടി പൊലീസിൽ ഏൽപിച്ചു. ചെറുകുളത്തെ സിവിൽ എൻജിനീയറായ യുവതിയെ നിരന്തരം ഫോണിൽ വിളിച്ച് ശല്യം ചെയ്യുകയും അശ്ലീല മെസേജുകൾ അയക്കുകയും ചെയ്ത വീരന്മാരെ ഭർത്താവി​െൻറ സഹായത്തോടെ തന്ത്രപൂർവം വിളിച്ചുവരുത്തുകയായിരുന്നു. വ്യാഴാഴ്ച രാത്രി 10.30ഒാടെയാണ് ഫ്രാൻസിസ് റോഡ് സ്വദേശികളായ രണ്ടുപേരും ചെറുകുളത്തെ യുവതിയുടെ വീടിനടുത്തെത്തിയത്. നാട്ടുകാർ പിടികൂടി പൊലീസിൽ വിവരമറിയിക്കുകയായിരുന്നു. പൊലീസെത്തി ഇരുവരെയും സ്റ്റേഷനിലേക്ക് കൊണ്ടുപോയി.