റഫി സ്​മൃതിയുണർത്തി സംഗീതയാത്ര

റഫി സ്മൃതിയുണർത്തി സംഗീതയാത്ര കോഴിക്കോട്: നഗരത്തി​െൻറ സംഗീതയാത്രയിൽ മറ്റൊരു ചരിത്രം കൂടി എഴുതി ടൗൺഹാളിൽ റഫി നൈറ്റ്. സംഗീതപ്രേമികളായ കുടുംബങ്ങളുടെ കൂട്ടായ്മയായ പ്യാർ ക സഫർ ടീമി​െൻറ ആഭിമുഖ്യത്തിലാണ് ടൗൺഹാളിൽ വീണ്ടും അനശ്വര ഗായക​െൻറ ഇൗണങ്ങളുയർന്നത്. റഫിയുടെ 37ാം ചരമവാർഷികവും പ്യാർ ക സഫർ ടീമി​െൻറ അഞ്ചാം വാർഷികവും പ്രമാണിച്ചായിരുന്നു പരിപാടി. 'ഇൗശ്വർ അല്ലാ തേരാ നാം' കൊണ്ട് തുടങ്ങി 'ദിൽ കാ സൂനാ', 'ദോ സിതാരോം ക സമീൻ', 'ദീവാനാ ഹുവ ബാദൽ' എന്നീ നിരവധി അനശ്വരഗാനങ്ങളിലൂടെയുള്ള സംഗീതയാത്ര നഗരസന്ധ്യ ധന്യമാക്കി. ഉദ്ഘാടകനായ കൈതപ്രം ദാമോദരൻ നമ്പൂതിരി കോഴിക്കോടിെന സംഗീതനഗരമായി പ്രഖ്യാപിച്ചു. സംഗീതപ്രേമികളുടെ സ്വന്തം പട്ടണമായ കോഴിക്കോടിനാണ് അങ്ങനെ വിളിക്കാൻ ഏറ്റവും അർഹതയെന്ന് അദ്ദേഹം പറഞ്ഞു. കോഴിക്കോട് അബ്ദുൽ സലാം, സലീം നടക്കാവ്, സഫർ അഹമ്മദ് കോഴിക്കോട്, ബിയ ജയൻ, ഹൃദ്യ കെ. ആനന്ദ് തുടങ്ങിയവർ പാടി. പ്രസിഡൻറ് എം.ഡി. ജഗന്നാഥൻ അധ്യക്ഷത വഹിച്ചു. എൻ. അബ്ദുൽ ജലീൽ, കെ. സലാം എന്നിവർ സംസാരിച്ചു. സെക്രട്ടറി വി. സന്തോഷ് കുമാർ സ്വാഗതവും കൺവീനർ പി.പി. സയ്ദ് അക്ബർ നന്ദിയും പറഞ്ഞു. ഇസ്ഹാഖ് ചാലിയം മോഡറേറ്ററായി.