ലോറി മതിലിലേക്ക് ഇടിച്ചു കയറി

പേരാമ്പ്ര: കുറ്റ്യാടി-പേരാമ്പ്ര സംസ്ഥാന പാതയിൽ പാറക്കടവ് അരിയന്താരി ക്ഷേത്രത്തിനു സമീപം നിയന്ത്രണംവിട്ട ലോറി വീടി​െൻറ മതിലിലേക്ക് ഇടിച്ചു കയറി. തിങ്കളാഴ്ച പുലർച്ചെ മൂന്നു മണിയോടെയാണ് സംഭവം. അരീക്കോടുനിന്ന് കണ്ണൂർ ഭാഗത്തേക്ക് ക്വാറിമട്ടിയുമായി പോവുകയായിരുന്ന ലോറിയാണ് അപകടത്തിൽപെട്ടത്. എതിരെ വന്ന കാറിനെ രക്ഷിക്കാനുള്ള ശ്രമത്തിനിെട ലോറിയുടെ നിയന്ത്രണം വിടുകയായിരുന്നു എന്ന് പറയുന്നു. റോഡരികിലുണ്ടായിരുന്ന വൈദ്യുതിതൂൺ തകർത്തശേഷം മതിൽ തകർത്ത് പറമ്പിലേക്ക് കയറുകയായിരുന്നു. അപകടത്തിൽ ആർക്കും പരിക്കില്ല.