ആശുപത്രിമാലിന്യം കൂട്ടിയിട്ട നിലയിൽ

കോഴിക്കോട്: മെഡിക്കല്‍ കോളജിലെ സൂപ്പര്‍ സ്‌പെഷാലിറ്റി ആശുപത്രി കെട്ടിടത്തിനുപിന്നിലായി ആശുപത്രി മാലിന്യം കൂട്ടിയിട്ട നിലയിൽ. സൂചികളും ഗ്ലൂക്കോസ് കുപ്പികളും ഗ്ലൗസുകളും ഉള്‍പ്പെടെയുള്ള അവശിഷ്ടങ്ങളാണ് ഇവിടെ തള്ളിയത്. സ്വകാര്യ ആശുപത്രിയില്‍നിന്നോ ഡയാലിസിസ് സ​െൻററില്‍നിന്നോ തള്ളിയതാവാമെന്നാണ് നിഗമനം. രണ്ടുദിവസമായി മെഡിക്കല്‍ കോളജി​െൻറ പലഭാഗങ്ങളിലും ഇത്തരത്തിലുള്ള സംഭവങ്ങൾ നടക്കുന്നതായി ആരോപണമുണ്ട്. ഏത് ഫാര്‍മസിയില്‍നിന്നാണ് എടുത്തിട്ടുള്ളതെന്ന് അറിയാനായുള്ള അന്വേഷണം നടക്കുന്നുണ്ടെന്ന് മെഡിക്കല്‍ കോളജ് അധികൃതര്‍ അറിയിച്ചു.