മൂ​ന്നു മാ​സ​മാ​യി കു​ടി​വെ​ള്ളം ഒാ​ട​യി​ലൊ​ഴു​കി​യി​ട്ടും ന​ട​പ​ടി​യി​ല്ല

കോഴിക്കോട്: കുടിവെള്ളം കിട്ടാതെ നാട്ടുകാർ വലയുന്ന വേളയിൽ ലിറ്റർ കണക്കിന് വെള്ളം പൊട്ടിയ പൈപ്പിലൂടെ ദിവസവും പാഴാകുന്നു. കാരപ്പറമ്പ് ചെറിയ പാലത്തിന് സമീപം കാരപ്പറമ്പ് ചന്തറോഡിലാണ് മൂന്നു മാസത്തിലേറെയായി പൊട്ടിയ പൈപ്പ് അതേ പടി കിടക്കുന്നത്. പലതവണ ജല അതോറിറ്റിക്കാരെ അറിയിച്ചിട്ടും നടപടിയായില്ലെന്ന് പരിസരവാസികൾ പറയുന്നു. കുടിവെള്ളം പാഴാകുന്ന കാര്യം പറയുേമ്പാൾ അതെല്ലാം തങ്ങൾ നോക്കിക്കൊള്ളാമെന്ന രീതിയിലാണ് മറുപടിയെന്ന് നാട്ടുകാർ പറയുന്നു. ഒന്നിടവിട്ട ദിവസങ്ങളിലാണ് ഇവിടേക്ക് ജല അതോറിറ്റി വെള്ളം കിട്ടുന്നത്. വെള്ളം വരുന്ന ദിവസങ്ങളിൽ തൊട്ടടുത്ത ഒാവ്ചാലിൽ കുടിവെള്ളം നിറയുന്നു. ഒാടവഴി കനോലി കനാലിൽ എത്തുകയാണ് മാസങ്ങളായി കുടിവെള്ളം.