പൂനൂർ പുഴ സംരക്ഷണത്തിന്​ സ്​റ്റുഡൻറ്​​ പൊലീസ്​ കാഡറ്റുകൾ

കുന്ദമംഗലം: കുരുവട്ടൂർ, കുന്ദമംഗലം ഗ്രാമപഞ്ചായത്തുകളുടെ അതിരിലൂടെ ഒഴുകുന്ന പൂനൂർ പുഴയുടെ സംരക്ഷണത്തിന് കുട്ടിപ്പൊലീസുകാരുമെത്തി. പ്ലാസ്റ്റിക് മാലിന്യങ്ങൾ മാറ്റി പുഴയുടെ കോഴിക്കയം മുതൽ പണ്ടാരപ്പറമ്പ് വരെയുള്ള ഭാഗത്ത് പുഴേയാരത്ത് മരങ്ങളും ചെടികളും വളർത്തുന്ന പദ്ധതിക്ക് പയമ്പ്ര ഗവ. ഹയർ സെക്കൻഡറി സ്കൂളിലെ 88 സ്റ്റുഡൻറ് പൊലീസ് കാഡറ്റുകളാണ് രംഗത്തിറങ്ങിയത്. പൊയിൽതാഴം പ്രദേശത്തെ നാട്ടുകാരും ഇവർക്കൊപ്പം ചേർന്നു. കുരുവട്ടൂർ ഗ്രാമപഞ്ചായത്ത് പ്രസിഡൻറ് പി. അപ്പുക്കുട്ടൻ ഉദ്ഘാടനം ചെയ്തു. സ്കൂൾ പി.ടി.എ പ്രസിഡൻറ് കെ. പ്രേംരാജ് അധ്യക്ഷത വഹിച്ചു. വാർഡ് അംഗം കെ.സി. ഭാസ്കരൻ മാസ്റ്റർ, എൻ. പ്രമോദ്, വടക്കയിൽ മുഹമ്മദ് എന്നിവർ സംസാരിച്ചു. സി.പി.ഒമാരായ കെ. മനോജ്കുമാർ, പി. സുഷമ, അധ്യാപകരായ മുക്തിദാസ്, സ്മിത, രാജൻ എന്നിവർ നേതൃത്വം നൽകി.