കാരന്തൂര്‍–മെഡിക്കല്‍ കോളജ് റോഡ് ശോച്യാവസ്ഥ: യൂത്ത്ലീഗ് മാര്‍ച്ച് നടത്തി

കുന്ദമംഗലം: കാരന്തൂര്‍-മെഡിക്കല്‍ കോളജ് റോഡിന്‍െറ ശോച്യാവസ്ഥക്ക് പരിഹാരമുണ്ടാക്കണമെന്നാവശ്യപ്പെട്ട് മുസ്ലിം യൂത്ത്ലീഗ് കുന്ദമംഗലം നിയോജകമണ്ഡലം കമ്മിറ്റിയുടെ ആഭിമുഖ്യത്തില്‍ കാരന്തൂര്‍ പി.ഡബ്ള്യു.ഡി ഓഫിസിലേക്ക് മാര്‍ച്ച് നടത്തി. യൂത്ത്ലീഗ് അഖിലേന്ത്യാ കണ്‍വീനര്‍ പി.കെ. ഫിറോസ് ഉദ്ഘാടനം ചെയ്തു. എം. ബാബുമോന്‍ അധ്യക്ഷത വഹിച്ചു. സി. മോയിന്‍കുട്ടി, എടക്കുനി അബ്ദുറഹിമാന്‍, കെ.എം.എ. റഷീദ്, ഒ. ഉസൈന്‍, എ.കെ. ഷൗക്കത്തലി, വി.പി. കബീര്‍, യൂസുഫ് പടനിലം, ഒ. സലീം, സമദ് പെരുമണ്ണ, ഡോ. വി.ഇ. സിറാജുദ്ദീന്‍ എന്നിവര്‍ സംസാരിച്ചു. ജനറല്‍ സെക്രട്ടറി ഒ.എം. നൗഷാദ് സ്വാഗതവും ജാഫര്‍ സാദിഖ് നന്ദിയും പറഞ്ഞു.