ജില്ല വോളിബാള്‍ ടൂര്‍ണമെന്‍റ് തുടങ്ങി

വില്യാപ്പള്ളി: ജില്ല സീനിയര്‍ വോളിബാള്‍ ടൂര്‍ണമെന്‍റ് മേമുണ്ടയില്‍ ആരംഭിച്ചു. ഉദയ മേമുണ്ടയുടെ നേതൃത്വത്തില്‍ നടക്കുന്ന ടൂര്‍ണമെന്‍റ് സി.കെ. നാണു എം.എല്‍.എ ഉദ്ഘാടനം ചെയ്തു. വില്യാപ്പള്ളി പഞ്ചായത്ത് പ്രസിഡന്‍റ് കെ.കെ. മോഹനന്‍ അധ്യക്ഷത വഹിച്ചു. ടി. ശ്രീനിവാസന്‍ പതാക ഉയര്‍ത്തി. പി. രാജീവന്‍, സി.ഇ. ശശിധരന്‍, ടി.വി. ബാലകൃഷ്ണന്‍ നമ്പ്യാര്‍, റീന പുതിയെടുത്ത്, പി.കെ. കൃഷ്ണദാസ്, ഒ.പി. രാജന്‍ എന്നിവര്‍ സംസാരിച്ചു. ഉദ്ഘാടന മത്സരത്തില്‍ വിന്നേഴ്സ് നാദാപുരം ഏകപക്ഷീയമായ മൂന്ന് സെറ്റുകള്‍ക്ക് എല്‍ബ പുറ്റാടിനെ പരാജയപ്പെടുത്തി. രണ്ടാമത്തെ മത്സരത്തില്‍ വോളി ഫ്രന്‍റ്സ് പയിമ്പ്ര ടാസ്ക് തുറയൂരിനെ പരാജയപ്പെടുത്തി. ചൊവ്വാഴ്ച നടക്കുന്ന ആദ്യ മത്സരത്തില്‍ ഐഡിയല്‍ കോളജ് കുറ്റ്യാടി, സാവോസ് നരിക്കുനിയെ നേരിടും. രണ്ടാം മത്സരത്തില്‍ എസ്.എന്‍ കോളജ് ചേളന്നൂര്‍, ജനസംസ്കൃതി തൊട്ടില്‍പാലത്തെ നേരിടും. വനിത വിഭാഗത്തില്‍ കെ.ടി.സി കോഴിക്കോടും ഉദയ മേമുണ്ടയും തമ്മിലായിരിക്കും മത്സരം.