കുന്ദമംഗലത്ത് വീട്ടില്‍ സൂക്ഷിച്ച 45 പവന്‍ കവര്‍ന്നു

കുന്ദമംഗലം: വീടിന്‍െറ അടുക്കള വാതില്‍ പൊളിച്ച് അകത്തുകയറി 45 പവന്‍ സ്വര്‍ണാഭരണങ്ങള്‍ മോഷ്ടിച്ചു. കുന്ദമംഗലം ലാമിയ ടെക്സ്റ്റയില്‍സിന് പിന്നില്‍ ചെറുകുന്നത്ത് റുബീനയുടെ വീട്ടിലാണ് ഞായറാഴ്ച രാത്രി കവര്‍ച്ച നടന്നത്. ഒന്നേകാല്‍ പവന്‍ തൂക്കമുള്ള ഒമ്പത് വളകള്‍, നാല് പവന്‍െറ മാല, രണ്ടു പവന്‍െറ വള, ആറു പവന്‍െറ മാല, മൂന്നു പവന്‍െറ മാല, ഒരു പവന്‍ വീതമുള്ള മൂന്ന് മാല, മകള്‍ക്ക് മഹറായി ലഭിച്ച മാലയും വളയും കൂടി 15 പവന്‍, മോതിരങ്ങള്‍ എന്നിവയാണ് നഷ്ടമായത്. വീടിന്‍െറ മുകള്‍നിലയിലെയും താഴെ നിലയിലെയും കിടപ്പുമുറിയിലെ അലമാരയില്‍ ബാഗില്‍ സൂക്ഷിച്ചിരുന്ന ആഭരണങ്ങളാണ് നഷ്ടപ്പെട്ടത്. അലമാരയില്‍നിന്ന് സാധനങ്ങളെല്ലാം വാരിവലിച്ചിട്ടിട്ടുണ്ട്. അടുക്കള ഭാഗത്തെ രണ്ട് വാതിലുകള്‍ പൊളിച്ചിട്ടുണ്ട്. രാവിലെയാണ് വീട്ടുകാര്‍ മോഷണവിവരം അറിഞ്ഞത്. മെഡി. കോളജ് സി.ഐ മൂസ വള്ളിക്കാടന്‍, കുന്ദമംഗലം പൊലീസ്, ഡോഗ് സ്ക്വാഡ്, ഫിംഗര്‍ പ്രിന്‍റ് ഉദ്യോഗസ്ഥര്‍ എന്നിവര്‍ സ്ഥലത്തത്തെി തെളിവെടുത്ത് അന്വേഷണം തുടങ്ങി.