വ്യാപാരി ഹര്‍ത്താല്‍ പൂര്‍ണം

കോഴിക്കോട്: ആലപ്പുഴയില്‍ വില്‍പന നികുതി ഉദ്യോഗസ്ഥരുടെ നോട്ടീസിനെ തുടര്‍ന്ന് വ്യാപാരി ആത്മഹത്യ ചെയ്ത സംഭവത്തില്‍ പ്രതിഷേധിച്ച് വ്യാപാരി സംഘടനകള്‍ ആഹ്വാനം ചെയ്ത കടയടപ്പ് സമരം പൂര്‍ണം. വ്യവസായി ഏകോപന സമിതി, വ്യാപാരി വ്യവസായി സമിതി തുടങ്ങിയ സംഘടനകളാണ് സമരം പ്രഖ്യാപിച്ചത്. മരുന്ന് ഷോപ്പുകള്‍, ഹോട്ടലുകള്‍ എന്നിവ മാത്രമാണ് അപൂര്‍വമായി തുറന്നത്. തട്ടുകടകളെയാണ് യാത്രക്കാര്‍ ഏറെയും ആശ്രയിച്ചത്. വലിയങ്ങാടി, സെന്‍ട്രല്‍ മാര്‍ക്കറ്റ്, മിഠായിത്തെരുവ് എന്നിവിടങ്ങളിലെ കടകളെല്ലാം അടഞ്ഞുകിടന്നു. എന്നാല്‍, മിഠായിത്തെരുവിലെ തെരുവുകച്ചവടക്കാര്‍ സജീവമായിരുന്നു. കടയടപ്പ് സമരത്തത്തെുടര്‍ന്ന് റോഡിലും ബസുകളിലും തിരക്ക് നന്നേ കുറഞ്ഞു. പെട്രോള്‍, ഡീസല്‍ പമ്പ് സമരം കൂടിയായതോടെ എങ്ങും ഒഴിവുദിന പ്രതീതിയായിരുന്നു. പണിമുടക്കിന്‍െറ ഭാഗമായി ജില്ലാ ആസ്ഥാനങ്ങളില്‍ വ്യാപാരികള്‍ പ്രകടനം നടത്തി. കോഴിക്കോട് വില്‍പന നികുതി ഓഫിസിന് മുന്നില്‍ നടത്തിയ ധര്‍ണ വ്യാപാരി വ്യവസായി ഏകോപന സമിതി സംസ്ഥാന പ്രസിഡന്‍റ് ടി. നസിറുദ്ദീന്‍ ഉദ്ഘാടനം ചെയ്തു. ജില്ലാ ജനറല്‍ സെക്രട്ടറി അഷ്റഫ് മൂത്തേടത്ത് അധ്യക്ഷത വഹിച്ചു. ജോസ് ചെറുവള്ളില്‍, പി.സി. അഷ്റഫ്, ഒ. ചന്ദ്രന്‍, കെ.പി. കുഞ്ഞബ്ദുല്ല, എം. ഷാഹുല്‍ഹമീദ്, കെ. സേതുമാധവന്‍, സി.ജെ. ടെന്നിസന്‍, പി.കെ. ബാപ്പുഹാജി, ഏറത്ത് ഇഖ്ബാല്‍, പി. പ്രസന്നന്‍, പി. അശോകന്‍, എ.വി.എം. കബീര്‍, ബി.എം. മുഹമ്മദ്, എം. ബാബുമോന്‍, മനാഫ് കാപ്പാട് എന്നിവര്‍ സംസാരിച്ചു.