സഹവാസികളുടെ അര്‍ധനഗ്ന ഫോട്ടോയെടുത്ത യുവതി അറസ്റ്റില്‍

കോഴിക്കോട്: ഹോസ്റ്റലിലെ സഹവാസികളുടെ അര്‍ധനഗ്ന ഫോട്ടോയെടുത്ത് കാമുകന് വാട്സ്ആപ് വഴി അയച്ചുകൊടുത്ത യുവതിയെ നടക്കാവ് പൊലീസ് അറസ്റ്റ് ചെയ്തു. നടക്കാവ് സി.വി.എന്‍ കളരിക്ക് സമീപമുള്ള ഹോസ്റ്റലില്‍ താമസിക്കുന്ന കാസര്‍കോട് സ്വദേശി അനിത (26)യെയാണ് അറസ്റ്റ് ചെയ്തത്. കൂടെ താമസിക്കുന്ന യുവതികള്‍ ഉറങ്ങുന്ന വിവിധ ചിത്രങ്ങള്‍ എടുത്ത് കോഴിക്കോട് സ്വദേശിയായ കാമുകന് അയച്ചുകൊടുക്കുകയായിരുന്നു. സംഭവമറിഞ്ഞ സഹവാസികള്‍ കമീഷണര്‍ക്ക് നല്‍കിയ പരാതിയിലാണ് അറസ്റ്റ്. വര്‍ഷങ്ങളായി വിവിധ ഹോസ്റ്റലുകളില്‍ കഴിയുകയാണ് അനിത. ഹോംനഴ്സായും മറ്റും ജോലി ചെയ്താണ് ജീവിക്കുന്നത്. കാമുകനെയും പൊലീസ് വിളിച്ചുവരുത്തി ഫോട്ടോ ഡിലീറ്റ് ചെയ്ത് ജാമ്യത്തില്‍ വിട്ടയച്ചു.