ബാസ്കറ്റ്ബാള്‍ കോര്‍ട്ട് സ്കൂളിന് സമര്‍പ്പിച്ചു

കോഴിക്കോട്: എലത്തൂര്‍ സി.എം.സി ബോയ്സ് ഹൈസ്കൂളിലെ നവീകരിച്ച ബാസ്കറ്റ്ബാള്‍ കോര്‍ട്ട് ഉദ്ഘാടനം ചെയ്തു. ആഘോഷാന്തരീക്ഷത്തില്‍ ഒളിമ്പ്യന്‍ പി.ടി. ഉഷയാണ് കോര്‍ട്ട് സ്കൂളിന് സമര്‍പ്പിച്ചത്. കൗണ്‍സിലര്‍ വി. റഹിയ അധ്യക്ഷത വഹിച്ചു. പൂര്‍വവിദ്യാര്‍ഥികൂടിയായ ശ്രീമേന്‍ സണ്‍സ് ചാരിറ്റബ്ള്‍ ഫൗണ്ടേഷന്‍ ചെയര്‍മാന്‍ ഡോ. മനോജ് ആറുകണ്ടത്തിലാണ് കോര്‍ട്ട് നിര്‍മിച്ചുനല്‍കിയത്. ഹെഡ്മിസ്ട്രസ് ഇ. സതീദേവി റിപ്പോര്‍ട്ട് അവതരിപ്പിച്ചു. കോര്‍ട്ടില്‍ മുന്‍ ഇന്ത്യന്‍താരം എം. പ്രവീണ്‍ ഉഷയില്‍നിന്ന് പന്ത് സ്വീകരിച്ച് ബാസ്കറ്റ് ചെയ്തു. കുട്ടികളോടൊപ്പം കളിച്ചശേഷം താന്‍ ഇന്ത്യന്‍താരമായ കഥയും പറഞ്ഞുകൊടുത്താണ് ഇന്ത്യയുടെ പയ്യോളി എക്സ്പ്രസ് തിരിച്ചുപോയത്. ഡോ. മനോജ്കുമാര്‍, കൗണ്‍സിലര്‍ കല്ലാരംകെട്ടില്‍ കൃഷ്ണന്‍, ജില്ലാ ബാസ്കറ്റ്ബാള്‍ സെക്രട്ടറി ശശിധരന്‍, പി.ടി.എ വൈസ് പ്രസിഡന്‍റ് വി. ബൈജു, സ്വാഗതസംഘം ചെയര്‍മാന്‍ മാട്ടുവയില്‍ അബ്ദുറഹ്മാന്‍, പബ്ളിക് ലൈബ്രറി പ്രസിഡന്‍റ് പി. പെരച്ചന്‍, എസ്.എസ്.ജി അംഗം ടി.പി. വിജയന്‍, സീനിയര്‍ അസിസ്റ്റന്‍റ് അബ്ദുല്‍ ഖാദര്‍ ബാസ്കറ്റ്ബാള്‍ കോച്ച് ജയന്ത് എന്നിവര്‍ സംസാരിച്ചു. പ്രധാനാധ്യാപകരായ പ്രസന്ന, മേരി ജോര്‍ജ്, വസന്തകുമാരി പി.ടി.എ പ്രസിഡന്‍റുമാരായ എന്‍.എം. പ്രദീപന്‍, ബാബു എന്നിവര്‍ സന്നിഹിതരായിരുന്നു. പി.ടി.എ പ്രസിഡന്‍റ് എ.പി സിദ്ദീഖ് സ്വാഗതവും സ്റ്റാഫ് സെക്രട്ടറി എന്‍.കെ. അബ്ദുല്‍ ഹക്കീം നന്ദിയും പറഞ്ഞു.