മുക്കത്ത് ആഭരണ നിര്‍മാണശാലയില്‍ വന്‍ കവര്‍ച്ച: നാലുകിലോ വെള്ളി കവര്‍ന്നു

മുക്കം: ടൗണിലെ ആഭരണ നിര്‍മാണശാലയില്‍ മോഷണം. അഭിലാഷ് ജങ്ഷനിലെ നക്ഷത്ര ഗോള്‍ഡിന് സമീപത്തെ അനില്‍ സേഠിന്‍െറ ആഭരണ നിര്‍മാണശാലയില്‍നിന്ന് മൂന്നരക്കിലോ വെള്ളിയും വിശ്വംഭരന്‍ സേഠിന്‍െറ നിര്‍മാണശാലയില്‍നിന്ന് 500 ഗ്രാം വെള്ളിയും മോഷണംപോയി. പൂട്ടുപൊളിച്ചാണ് മോഷ്ടാക്കള്‍ അകത്തുകടന്നത്. മുക്കം എസ്.ഐ ശംഭുനാഥിന്‍െറ നേതൃത്വത്തില്‍ പൊലീസ് സ്ഥലത്തത്തെി അന്വേഷണമാരംഭിച്ചു. പൊലീസ് നക്ഷത്ര ഗോള്‍ഡിലെ സി.സി.ടി.വി ദൃശ്യങ്ങള്‍ പരിശോധിച്ചുവരികയാണ്. വിരലടയാളവിദഗ്ധരും ഡോഗ് സ്ക്വാഡും സ്ഥലത്തത്തെി പരിശോധന നടത്തി. കഴിഞ്ഞ ഓഗസ്റ്റില്‍ അഭിലാഷ് ജങ്ഷനിലെ വിസ്മയ ഗോള്‍ഡിലും മോഷണംനടന്നിരുന്നു. മൂന്ന് കിലോ സ്വര്‍ണമടക്കം ഒരുകോടിയോളം രൂപയുടെ മോഷണമാണ് ഇവിടെ നടന്നത്. ഇതില്‍ മൂന്ന് പ്രതികള്‍ പിടിയിലായിട്ടുണ്ട്. ഏഴ് പ്രതികളെന്ന് പൊലീസ് പറയുന്ന കേസില്‍ നാലുപേരെ ഇനിയും പിടികൂടാനായിട്ടില്ല.