കക്കോടി ബ്രാഞ്ച് കനാല്‍ തുറന്നില്ല : കര്‍ഷകര്‍ ആശങ്കയില്‍

നരിക്കുനി: കുറ്റ്യാടി ജലസേചനപദ്ധതിയുടെ ഭാഗമായ കക്കോടി ബ്രാഞ്ച് കനാല്‍ തുറക്കാന്‍ വൈകുന്നത് നാട്ടുകാരെ ദുരിതത്തിലാഴ്ത്തുന്നു. ചേളന്നൂര്‍, കുരുവട്ടൂര്‍, കക്കോടി തുടങ്ങിയ പഞ്ചായത്തുകളിലും സമീപ പ്രദേശങ്ങളിലുമുള്ളവര്‍ കനാലിനെ ആശ്രയിക്കുന്നവരാണ്. പച്ചക്കറി, നെല്ല്, മറ്റ് ഇടവിള കൃഷിക്കാരും പ്രയാസപ്പെടുകയാണ്. പെരുവണ്ണാമുഴി ഡാമില്‍നിന്നുള്ള വെള്ളം കക്കോടി ബ്രാഞ്ച് കനാലിലൂടെ പൂളക്കടവിലത്തെിച്ച് പൂനൂര്‍ പുഴയിലേക്കൊഴുക്കി പമ്പിങ് നടത്തി നഗരത്തിലത്തെിക്കാനും പദ്ധതി പ്രയോജനപ്പെടുത്താറുണ്ട്. കഴിഞ്ഞ മാസാവസാനം കനാല്‍ വെള്ളമത്തെിക്കുമെന്നായിരുന്നു നേരത്തേ അറിയിച്ചിരുന്നത്. ബ്രാഞ്ച് കനാലുകളും പ്രധാന ഉപകനാലുകളും തൊഴിലുറപ്പ് പദ്ധതിയിലൂടെ ഗ്രാമപഞ്ചായത്തുകളുടെ നേതൃത്വത്തില്‍ വൃത്തിയാക്കി കനാല്‍ വെള്ളത്തിനായുള്ള ജനങ്ങളുടെ കാത്തിരിപ്പ് തുടങ്ങിയിട്ട് ഒരു മാസത്തോളമായി. എന്നാല്‍, ഫെബ്രുവരി പകുതിയായിട്ടും കനാല്‍ വെള്ളമത്തൊത്തത് കുടിവെള്ള സ്രോതസ്സുകളെയും പ്രതികൂലമായി ബാധിച്ചിട്ടുണ്ട്.