കൊയിലാണ്ടിയിലെ വികസനത്തിന് എം.പി ഫണ്ടില്‍നിന്ന് അരക്കോടി

വടകര: മുല്ലപ്പള്ളി രാമചന്ദ്രന്‍ എം.പിയുടെ പ്രാദേശിക വികസന ഫണ്ടില്‍നിന്ന് കൊയിലാണ്ടി നിയോജക മണ്ഡലത്തില്‍ അരക്കോടി രൂപയുടെ വികസന പ്രവര്‍ത്തനങ്ങള്‍ക്ക് ജില്ലാ കലക്ടര്‍ ആദ്യഘട്ട ഭരണാനുമതി നല്‍കി. ചേമഞ്ചേരി ഗ്രാമപഞ്ചായത്തിലെ അണ്ടിക്കമ്പനി-കെട്ടുമ്മല്‍ റോഡിന് അഞ്ചു ലക്ഷം, ചെങ്ങോട്ടുകാവ് ഗ്രാമപഞ്ചായത്തില്‍ പൊയില്‍ക്കാവ് ഹയര്‍ സെക്കന്‍ഡറി സ്കൂളില്‍ കമ്പ്യൂട്ടര്‍ ലാബിന് മൂന്നു ലക്ഷം, പൊയില്‍ക്കാവ് -കാപ്പാട് റോഡിന് ഏഴു ലക്ഷം, അറോറവയല്‍ കോളനി റോഡിന് അഞ്ചു ലക്ഷം, കൊയിലാണ്ടി മുനിസിപ്പാലിറ്റിയില്‍ പെരുവക്കാല ഫുട്പാത്തിന് മൂന്നു ലക്ഷം, മരുതൂര്‍ വിഷ്ണുക്ഷേത്രം റോഡിന് നാലു ലക്ഷം, പെരുവട്ടൂര്‍ എല്‍.പി സ്കൂള്‍ റോഡിന് നാലു ലക്ഷം, മൂടാടി ഗ്രാമപഞ്ചായത്തിലെ ഗോപാലപുരം കാനത്തില്‍ ഹില്‍ബസാര്‍ റോഡിന് അഞ്ചു ലക്ഷം, തിക്കോടി ഗ്രാമപഞ്ചായത്തിലെ പുറക്കാട് ടൗണ്‍ കണ്ണമ്പത്ത് റോഡിന് ആറു ലക്ഷം, പാലോളിത്താഴ റോഡിന് അഞ്ചു ലക്ഷം, പയ്യോളി ഗ്രാമപഞ്ചായത്തിലെ ചത്തെില്‍താര-ഹരിജന്‍ കോളനി റോഡിന് മൂന്നു ലക്ഷം എന്നിങ്ങനെ തുക അനുവദിച്ചതായി എം.പിയുടെ ഓഫിസ് അറിയിച്ചു.