പാന്‍മസാല തേടിയത്തെിയ വിദ്യാര്‍ഥികള്‍ക്ക് എക്സൈസ് വക കൗണ്‍സലിങ്്

താമരശ്ശേരി: കടയില്‍ പാന്‍മസാല വാങ്ങാനത്തെിയ വിദ്യാര്‍ഥികളെ എക്സൈസ് അധികൃതര്‍ പിടികൂടി രക്ഷിതാക്കളെ വിളിച്ചുവരുത്തി കൗണ്‍സലിങ് നടത്തി വിട്ടയച്ചു. താമരശേരി എക്സൈസ് പാര്‍ട്ടി നടത്തിയ റെയ്ഡില്‍ വെഴുപ്പൂര്‍ അബ്ദുല്‍ നാസറിനെ (45) 16 പാക്കറ്റ് പാന്‍മസാലയുമായി കസ്റ്റഡിയിലെടുത്തിരുന്നു. കച്ചവടക്കാരനെ പിടികൂടിയ വിവരം അറിയാതെ പാന്‍മസാല വാങ്ങാനത്തെിയ സ്കൂള്‍ വിദ്യാര്‍ഥികളെയാണ് എക്സൈസ് അധികൃതര്‍ കൗണ്‍സലിങ്ങിന് വിധേയമാക്കിയത്. അബ്ദുല്‍നാസര്‍ സഞ്ചരിച്ച യമഹ ബൈക്കും കസ്റ്റഡിയിലെടുത്തു. എക്സൈസ് ഇന്‍സ്പെക്ടര്‍ പി.എ. സഹദുള്ളയുടെ നേതൃത്വത്തിലാണ് റെയ്ഡ് നടത്തിയത്. താമരശ്ശേരി കൊടുവള്ളി ഭാഗങ്ങളിലായി നടത്തിയ റെയ്ഡില്‍ പൊതു സ്ഥലത്ത് മദ്യപിച്ച ഏഴുപേരെയും എക്സൈസ് പാര്‍ട്ടി കസ്റ്റഡിയിലെടുത്തു.