മലിനജലം റോഡിലേക്കൊഴുകി ദുര്‍ഗന്ധം പരത്തുന്നു

ബാലുശ്ശേരി: ബാലുശ്ശേരി ടൗണിലെ ഓവുചാലില്‍നിന്നുള്ള മലിനജലം റോഡിലേക്കൊഴുകി ദുര്‍ഗന്ധം പരത്തുന്നു. ബാലുശ്ശേരി ബസ്സ്റ്റാന്‍ഡിന് മുന്നില്‍ ഓവുചാലിലെ തകര്‍ന്ന സ്ളാബിന് പുറത്തേക്കാണ് കഴിഞ്ഞ ദിവസം ദുര്‍ഗന്ധപൂരിതമായ മലിനജലം റോഡിലേക്ക് ഒഴുകിയത്. ബാലുശ്ശേരി ചന്തയില്‍നിന്നുള്ള മലിനജലം ഓടയിലൂടെ ഒഴുക്കിയതാകാമെന്നാണ് കരുതുന്നത്. ഓവുചാലില്‍ മാലിന്യങ്ങള്‍ നിറഞ്ഞതുകാരണം മലിനജലം ഒഴുകിപ്പോകാതെ ബസ്സ്റ്റാന്‍ഡ് ഭാഗത്ത് കെട്ടിക്കിടക്കുകയാണ്. ഇവിടെ കെട്ടിനില്‍ക്കുന്ന മലിനജലമാണ് തകര്‍ന്ന സ്ളാബിന് പുറത്തുകൂടെ റോഡിലേക്ക് ഒഴുകിയത്തെിയത്.