മിനിലോറി തട്ടുകടയിലേക്ക് പാഞ്ഞുകയറി മറിഞ്ഞു; മൂന്നുപേര്‍ക്ക് പരിക്ക്

ഫറോക്ക്: ദേശീയപാതയില്‍ കുണ്ടായിത്തോടില്‍ അന്ധ പുനരധിവാസകേന്ദ്രത്തിന് സമീപം മിനിലോറി തട്ടുകടയിലേക്ക് പാഞ്ഞുകയറി മറിഞ്ഞ് മൂന്നുപേര്‍ക്ക് പരിക്ക്. തട്ടുകടക്ക് മുന്നില്‍ സംസാരിച്ചുകൊണ്ടിരുന്ന കുണ്ടായിത്തോട് സ്വദേശികളായ സനീഷ് (36), കെ. സുനില്‍കുമാര്‍ (37), തെക്കെക്കുറ്റി സ്വരൂപ് (16) എന്നിവര്‍ക്കാണ് പരിക്കേറ്റത്. സാരമായി പരിക്കേറ്റ ഇവര്‍ സമീപത്തെ സ്വകാര്യ ആശുപത്രിയില്‍ ചികിത്സയിലാണ്. വ്യാഴാഴ്ച വൈകീട്ട് 4.40നാണ് അപകടം. ആമാംകുനി, തെക്കെക്കുറ്റി തുടങ്ങിയ പ്രദേശത്തേക്ക് കുടിവെള്ളവുമായി വന്ന ലോറിയാണ് മറിഞ്ഞത്. അപകടത്തില്‍ ലോറിയും അന്ധ പുനരധിവാസകേന്ദ്രത്തിന്‍െറ സുരക്ഷാമതിലും ലോറിയിലുണ്ടായ രണ്ടു വാട്ടര്‍ ടാങ്കുകളും സമീപത്ത് നിര്‍ത്തിയിട്ട ഒരു സ്കൂട്ടറും ഭാഗികമായി തകര്‍ന്നു. ആറോടെ ഫറോക്കില്‍നിന്നത്തെിയ ഖലാസികള്‍ ലോറി അപകടസ്ഥലത്തുനിന്ന് മാറ്റി.