കന്നുകാലികളെ മോഷ്ടിച്ചു വില്‍ക്കുന്ന സംഘത്തിലെ രണ്ടു പേര്‍ പിടിയില്‍

താമരശ്ശേരി: ജില്ലയുടെ വിവിധ ഭാഗങ്ങളില്‍നിന്ന് കന്നുകാലികളെ മോഷ്ടിച്ച് വില്‍പന നടത്തുന്ന സംഘത്തിലെ രണ്ടുപേരെ താമരശ്ശേരി ട്രാഫിക് പൊലീസ് പിടികൂടി. കാക്കൂരുനിന്ന് മോഷ്ടിച്ചു വാഹനത്തില്‍ കടത്തിക്കൊണ്ടു വന്ന പോത്തുമായി പുതുപ്പാടി പെരുമ്പള്ളി അപ്പറത്തുപൊയില്‍ കോയ ഷംനാസ് (24) ഈങ്ങാപ്പുഴ പനന്തോട്ടത്തില്‍ അമീര്‍ (24) എന്നിവരെയാണ് ഈങ്ങാപ്പുഴ പെട്രോള്‍ പമ്പില്‍വെച്ച് ട്രാഫിക് എസ്. ഐ രാജുവിന്‍െറ നേതൃത്വത്തില്‍ അറസ്റ്റ് ചെയ്തത്. കാക്കൂര്‍ സ്റ്റേഷന്‍ പരിധിയില്‍പെട്ട പാറന്നൂര്‍ ചൊവ്വാച്ചേരി മുഹമ്മദ് അസ്ലമിന്‍േറതായിരുന്നു പോത്ത്. രഹസ്യ വിവരത്തത്തെുടര്‍ന്ന് പൊലീസ് നടത്തിയ നിരീക്ഷണത്തില്‍ വ്യാഴാഴ്ച പുലര്‍ച്ചെ അഞ്ചിനാണ് പ്രതികള്‍ വലയിലായത്. പ്രതികളെയും വാഹനവും പോത്തിനെയും കാക്കൂര്‍ പൊലീസിന് കൈമാറി. കുറ്റിക്കാട്ടൂര്‍, ചേവായൂര്‍, മെഡിക്കല്‍ കോളജ് എന്നിവിടങ്ങളില്‍നിന്ന് നിരവധി പരാതികള്‍ കന്നുകാലി മോഷണവുമായി ബന്ധപ്പെട്ട് പൊലീസിനു ലഭിച്ചിട്ടുണ്ട്. കന്നുകാലികളെ മോഷ്ടിച്ച് വില്‍പന നടത്തുന്ന സംഘത്തിലെ പ്രധാന കണ്ണികളാണ് ഇവരെന്ന് പൊലീസ് സംശയിക്കുന്നു.