​കളിക്കമ്പക്കാരുടെ നഗരത്തില്‍ ഫുട്ബാള്‍ ചിഹ്നത്തില്‍ മത്സരം

കോഴിക്കോട്: ഫുട്ബാള്‍ പ്രേമികളുടെ നഗരത്തില്‍ ഫുട്ബാള്‍തന്നെ ചിഹ്നമാക്കി മത്സരിക്കാനിറങ്ങിയിരിക്കയാണ് കാല്‍പന്തുകളിക്കാരനും കളിയെഴുത്തുകാരനുമായ ഭാസി മലാപ്പറമ്പ്. യു.ഡി.എഫിന്‍െറ ഒൗദ്യോഗിക സ്ഥാനാര്‍ഥിക്കെതിരെ മത്സരത്തിനിറങ്ങിയ കോണ്‍ഗ്രസ് നേതാവ് രമേശ് നമ്പിയത്താണ് ഫുട്ബാള്‍ ചിഹ്നത്തില്‍ മത്സരിക്കുന്ന മറ്റൊരാള്‍. ഭാസി മലാപ്പറമ്പ് കോണ്‍ഗ്രസ് മേയര്‍ സ്ഥാനാര്‍ഥിയായി പരിഗണിക്കുന്ന പി.എം.സുരേഷ് ബാബുവിനെയാണ് നേരിടുന്നത്. ഡി.സി.സി മെംബറും യു.ഡി.എഫ് ബേപ്പൂര്‍ മണ്ഡലം കണ്‍വീനറും യൂത്ത് കോണ്‍ഗ്രസ് മുന്‍ ജില്ലാ പ്രസിഡന്‍റുമൊക്കെയായ രമേശിന്‍െറ പോരാട്ടം സി.എം.പി, സി.പി.എം, ബി.ജെ.പി സ്ഥാനാര്‍ഥികള്‍ക്കെതിരെയാണ്. മാങ്കാവിലെ ഇടത് സ്വതന്ത്രന്‍ പ്രഫ. മണലൊടി ബഷീറിന്‍െറ അടയാളവും ഫുട്ബാളാണ്.