ഫാസ്റ്റ് ഫുഡിന് വിട; ‘നല്ല രുചി’ ശ്രദ്ധേയമായി

നാദാപുരം: ഫാസ്റ്റ് ഫുഡ് സംസ്കാരത്തിനെതിരെ പുതുതലമുറയുടെ ബോധവത്കരണം ശ്രദ്ധേയമായി. പേരോട് എം.ഐ.എം.എച്ച്.എസ് വിദ്യാര്‍ഥികളാണ് ‘നല്ലരുചി’യൊരുക്കി ഫാസ്റ്റ്ഫുഡ് സംസ്കാരത്തിനെതിരെ ബോധവത്കരണം നടത്തിയത്. ഇലക്കറികളും വിവിധ ഇനം ചമ്മന്തികളും മസാലപ്പുട്ടുകളും ഒൗഷധക്കഞ്ഞിയും നാടന്‍ പാനീയങ്ങളുംകൊണ്ട് മേളക്ക് കൊഴുപ്പേകി. മേള കവി പി.എ. നൗഷാദ് ഉദ്ഘാടനം ചെയ്തു. പ്രിന്‍സിപ്പല്‍ മൊയ്തു പറമ്പത്ത് അധ്യക്ഷത വഹിച്ചു. വി.വി. മുഹമ്മദലി, ഹാരിസ്, ശഹര്‍ബാനു, അന്‍വര്‍ അടുക്കത്ത്, ജിഷ്ണു, പ്രണോയ്, പ്രോഗ്രാം ഓഫിസര്‍ നൗഫല്‍ കണ്ടംവലിയത്ത് എന്നിവര്‍ സംസാരിച്ചു.