കുന്നിടിച്ച് മണ്ണ് കടത്തല്‍ ജിയോളജി വകുപ്പ് തടഞ്ഞു

ബാലുശ്ശേരി: പറമ്പിന്‍മുകളില്‍ സംസ്ഥാന പാതയോരത്തെ കുന്നിടിച്ച് മണ്ണെടുക്കുന്നത് ജിയോളജി വകുപ്പ് ഉദ്യോഗസ്ഥര്‍ തടഞ്ഞു. കുന്നിടിച്ച് ഇവിടെനിന്നുള്ള മണ്ണ് കടത്താന്‍ തുടങ്ങിയിട്ട് ഒരാഴ്ചയോളമായി. കുന്നിടിക്കാനുള്ള അനുവാദം പഞ്ചായത്ത് ഉടമസ്ഥര്‍ക്ക് നല്‍കിയിട്ടുണ്ട്. 
കെട്ടിടം പണിയാനാണ് മണ്ണെടുക്കുന്നത്. മണ്ണ് മറ്റൊരിടത്തേക്ക് കൊണ്ടുപോകാനുള്ള അനുമതി ജിയോളജി വകുപ്പില്‍നിന്ന് വാങ്ങാത്തതാണ് തടയാന്‍ കാരണമെന്ന്  ഉദ്യോഗസ്ഥര്‍ പറഞ്ഞു. അനുമതി വാങ്ങാതെ മണ്ണ് കടത്തിയതിന് ഉടമസ്ഥരില്‍നിന്ന് പിഴ ഈടാക്കി. ജിയോളജി വകുപ്പ് ഉദ്യോഗസ്ഥരായ ഷെല്‍ജു, രശ്മി എന്നിവരുടെ നേതൃത്വത്തിലാണ് മണ്ണ് കടത്ത് തടഞ്ഞത്.