അടുക്കള വാതില്‍ പൊളിച്ച് വീണ്ടും: കുന്ദമംഗലത്ത് മോഷണ പരമ്പര

കുന്ദമംഗലം: കുന്ദമംഗലത്തും പരിസരത്തും വീടിന്‍െറ അടുക്കള വാതില്‍ പൊളിച്ചുള്ള മോഷണം തുടരുന്നു. ചൊവ്വാഴ്ച രാത്രിയില്‍ രണ്ട് വീടുകളുടെ പിന്‍വാതില്‍ പൊളിച്ച് കള്ളന്‍ അകത്തുകയറി. കുന്ദമംഗലം സിന്ധു തിയറ്ററിന് സമീപം മൂലാട്ടംമണ്ണില്‍ കുന്നത്ത് നാസറിന്‍െറ വീട്ടിലും മാക്കാംപുറായില്‍ അബൂബക്കറിന്‍െറ വീട്ടിലുമാണ് കള്ളന്‍ കയറിയത്. നാസറിന്‍െറ വീട്ടില്‍നിന്ന് 10,000 രൂപ മോഷണം പോയി. ഇവിടെ നാല് വാതിലുകള്‍ കുത്തിത്തുറന്നാണ് കള്ളന്‍ ഡൈനിങ് മുറിയിലത്തെിയത്. ബാഗില്‍നിന്നും പേഴ്സില്‍നിന്നുമായാണ് പണം മോഷ്ടിച്ചത്. അബൂബക്കറിന്‍െറ വീട്ടിലെ അടുക്കള വാതിലും അലമാരയും കുത്തിത്തുറന്നെങ്കിലും ഒന്നും നഷ്ടമായിട്ടില്ല. ഇവിടെ വീട്ടുകാര്‍ ഉണ്ടായിരുന്നില്ല. അലമാരയിലെ സാധനങ്ങളെല്ലാം വാരി വലിച്ചിട്ട നിലയിലുമാണുള്ളത്. രണ്ടുദിവസം മുമ്പാണ് തൊട്ടടുത്തുള്ള മൂന്ന് വീടുകളില്‍ കള്ളന്‍ കയറിയത്. ഒരു ലക്ഷത്തിലധികം രൂപയും രണ്ടരപവന്‍ സ്വര്‍ണാഭരണങ്ങളും ഇവിടങ്ങളില്‍നിന്ന് മോഷണം പോയിരുന്നു. കുന്ദമംഗലം പൊലീസിന്‍െറ നൈറ്റ് പട്രോള്‍ സംവിധാനം ശക്തമാക്കണമെന്ന് നാട്ടുകാര്‍ ആവശ്യപ്പെട്ടു.