കോഴിക്കോട് ബ്ളോക് കേരളോത്സവം: ഒളവണ്ണ ഓവറോള്‍ ചാമ്പ്യന്‍

കടലുണ്ടി: കോഴിക്കോട് ബ്ളോക് പഞ്ചായത്ത് കേരളോത്സവത്തില്‍ കല-കായിക ഇനങ്ങളില്‍ ഒന്നാംസ്ഥാനത്തത്തെിയ ഒളവണ്ണ ഗ്രാമ പഞ്ചായത്ത് ഓവറോള്‍ ചാമ്പ്യന്മാരായി. ആതിഥേയരായ കടലുണ്ടി ഗ്രാമ പഞ്ചായത്ത് രണ്ടാം സ്ഥാനക്കാരായി. ഫുട്ബാളില്‍ കടലുണ്ടിയും ക്രിക്കറ്റില്‍ ഒളവണ്ണയും വിജയിച്ചു. കടലുണ്ടി കമ്യൂണിറ്റിഹാളില്‍ ഞായറാഴ്ച വൈകിയാണ് കലാമത്സരങ്ങള്‍ സമാപിച്ചത്. സമാപന പൊതുസമ്മേളനം കടലുണ്ടി ഗ്രാമ പഞ്ചായത്ത് പ്രസിഡന്‍റ് ഒ. ഭക്തവത്സലന്‍ ഉദ്ഘാടനം ചെയ്തു. ബ്ളോക് വൈസ് പ്രസിഡന്‍റ് കെ.പി. ഹസീന അധ്യക്ഷത വഹിച്ചു. ജനറല്‍ എക്സ്റ്റന്‍ഷന്‍ ഓഫിസര്‍ കെ. ഹരിദാസ് റിപ്പോര്‍ട്ട് അവതരിപ്പിച്ചു. ബ്ളോക് പഞ്ചായത്ത് അംഗങ്ങളായ സി.എം. സതീദേവി, എന്‍.കെ. ബിച്ചിക്കോയ, കടലുണ്ടി ഗ്രാമ പഞ്ചായത്ത് സ്ഥിരം സമിതി അധ്യക്ഷന്മാരായ പിലാക്കാട്ട് ഷണ്‍മുഖന്‍, സി.കെ. അജയകുമാര്‍, സിന്ധു പ്രദീപ്, വാര്‍ഡ് അംഗങ്ങളായ ഭാസ്കരന്‍ നായര്‍, കോണത്ത് ബാലന്‍ തുടങ്ങിയവര്‍ സംസാരിച്ചു. ബ്ളോക് അംഗങ്ങളായ ദിനേശ് ബാബു അത്തോളി സ്വാഗതവും കെ. ഗിജിത്ത് നന്ദിയും പറഞ്ഞു.