പൊലീസുകാരന്‍െറ ആത്മഹത്യ: സര്‍ക്കാര്‍തല അന്വേഷണം വേണം

കോഴിക്കോട്: നടക്കാവ് പൊലീസ് സ്റ്റേഷനിലെ സീനിയര്‍ പൊലീസ് ഓഫിസര്‍ എ.പി. ഷാജിയുടെ ആത്മഹത്യയിലേക്ക് നയിച്ച കാരണങ്ങളെക്കുറിച്ച് സര്‍ക്കാര്‍തല അന്വേഷണം വേണമെന്ന് ജനതാദള്‍-യു ജില്ലാ പ്രസിഡന്‍റ് മനയത്ത് ചന്ദ്രന്‍ ആവശ്യപ്പെട്ടു. ഷാജിയുടെ ആത്മഹത്യക്കുറിപ്പില്‍ പ്രേരണ നല്‍കിയവരായി പരാമര്‍ശിച്ചവരെ പ്രതിചേര്‍ത്ത് കേസ് രജിസ്റ്റര്‍ ചെയ്യണം. നടപടിക്രമങ്ങള്‍ പൂര്‍ത്തിയാക്കാതെയാണ് സസ്പെന്‍ഷന്‍ നടത്തിയതെന്ന് ആഭ്യന്തരമന്ത്രിതന്നെ സമ്മതിച്ചിട്ടുണ്ട്. പ്രശ്നത്തെ രാഷ്ട്രീയമായി വഴിതിരിച്ചുവിടുന്നത് അപലപനീയമാണ്. ഷാജിയുടെ വീട് സന്ദര്‍ശിച്ചശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. സന്തോഷ് കുറുമ്പൊയില്‍, കെ.ടി. രവീന്ദ്രന്‍, കാപ്പുങ്കര രാഘവന്‍, എ.ടി. അഹമ്മദ് മാസ്റ്റര്‍ എന്നിവരും അദ്ദേഹത്തോടൊപ്പം ഉണ്ടായിരുന്നു.