ഉത്രാടനാളില്‍ അധ്യാപകരുടെ പട്ടിണിസമരം

കോഴിക്കോട്: രണ്ട് പ്രധാനാധ്യാപകരെ സ്ഥലംമാറ്റി സസ്പെന്‍ഡ് ചെയ്ത നടപടി പിന്‍വലിക്കണമെന്നാവശ്യപ്പെട്ട് ഉത്രാടനാളില്‍ കെ.എസ്.ടി.എ നേതൃത്വത്തില്‍ അധ്യാപകര്‍ പട്ടിണിസമരം നടത്തി. ഡി.ഡി.ഇ ഓഫിസിന് മുന്നില്‍ സംഘടിപ്പിച്ച ഉപവാസസമരം സംസ്ഥാന ജനറല്‍ സെക്രട്ടറി കെ.സി. ഹരികൃഷ്ണന്‍ ഉദ്ഘാടനം ചെയ്തു. ജില്ലാ പ്രസിഡന്‍റ് കെ.ഗോപാലന്‍ അധ്യക്ഷത വഹിച്ചു. സംസ്ഥാന വൈസ് പ്രസിഡന്‍റ് പി.കെ. സതീശന്‍, സംസ്ഥാന എക്സിക്യൂട്ടിവ് കമ്മിറ്റിയംഗം പി.പി. രഘുനാഥ്, ജില്ലാ സെക്രട്ടറി ആര്‍.വി. അബ്ദുല്ല, എഫ്.എസ്.ഇ.ടി.ഒ ജില്ലാ സെക്രട്ടറി എം.മുരളീധരന്‍ തുടങ്ങിയവര്‍ സംസാരിച്ചു. വൈകിട്ട് അഞ്ച് വരെ നടന്ന ഉപവാസസമരത്തില്‍ ഇരുനൂറില്‍പരം അധ്യാപകര്‍ പങ്കെടുത്തു.