മീൻ കച്ചവടത്തി​െൻറ മറവിൽ കഞ്ചാവ് വിൽപന നടത്തിവന്നയാൾ പിടിയിൽ

തിരുവല്ല: മീൻ കച്ചവടത്തിൻെറ മറവിൽ കഞ്ചാവ് വിൽപന നടത്തിവന്നയാൾ പൊലീസ് പിടിയിൽ. വെൺപാല കല്ലുങ്കൽ അഭിജിത് ഭവനി ൽ അനിൽകുമാറാണ് (44) പിടിയിലായത്.

മതിൽഭാഗം ഗവ. സ്കൂളിന് സമീപത്തുനിന്നുമാണ് 30 ഗ്രാം വരുന്ന ആറ് പൊതി കഞ്ചാവുമായി ജില്ല പോലീസ് മേധാവിയുടെ ആൻറി നാർകോട്ടിക് വിഭാഗം ഇയാളെ പിടികൂടിയത്. ഇയാൾ മുമ്പും കഞ്ചാവ് കേസിലും അബ്കാരി കേസിലും ജയിൽശിക്ഷ അനുഭവിച്ചിട്ടുള്ളയാളാണ്. തിരുവല്ല സി.ഐ പി.ആർ. സന്തോഷിൻെറ നേതൃത്വത്തിലാണ് പ്രതിയെ പിടികൂടിയത്.