വൈക്കത്ത് ആൽമരം റോഡിനു​കുറുകെ വീണ് ഗതാഗതം തടസ്സപ്പെട്ടു

വൈക്കം: വൈക്കം തലയാഴം വളഞ്ഞമ്പലം ക്ഷേത്രത്തിനു മുൻവശത്തുനിന്ന കൂറ്റൻ ആൽമരം റോഡിനു കുറുകെ മറിഞ്ഞു. ക്ഷേത്രത്ത ിനു സമീപത്തെ ബസ്സ്റ്റോപ്പിൽ ആ സമയം ആളില്ലാതിരുന്നതിനാൽ വൻ ദുരന്തം ഒഴിവായി. ബുധനാഴ്ച രാവിലെ 10.30നായിരുന്നു സംഭവം. മരം വീണതിനെ തുടർന്ന് വൈക്കം-വെച്ചൂർ റോഡിൽ ഗതാഗതം രണ്ടുമണിക്കൂറോളം തടസ്സപ്പെട്ടു. വൈക്കം ഫയർ സ്റ്റേഷൻ ലീഡിങ് ഫയർമാൻ മുരളീധരൻെറ നേതൃത്വത്തിൽ വിശ്വംഭരൻ, പ്രശാന്തൻ, റെജിമോൻ, ഹർഷകുമാർ എന്നിവർ ഉൾപ്പെട്ട സംഘവും എസ്.ഐ ഡി. ശശീന്ദ്രൻെറ നേതൃത്വത്തിൽ പൊലീസും നാട്ടുകാരുടെ ചേർന്നാണ് മരം മുറിച്ചുനീക്കി ഗതാഗതം പുനഃസ്ഥാപിച്ചത്.