ഗ്രീൻ പനോരമ പരിസ്ഥിതി ചലച്ചിത്ര മേളക്ക്​ തുടക്കം

കുമളി: സിനിമയെന്ന കലാരൂപം സമൂഹത്തിൽ നല്ല മനുഷ്യരെ സൃഷ്ടിക്കാൻ കഴിവുള്ളതാവണമെന്ന് സംവിധായകൻ ഡോ. ബിജു പറഞ്ഞു. പെരിയാർ കടുവ സങ്കേതം, ചലച്ചിത്ര അക്കാദമി, ചൈതന്യ ഫിലിം സൊസൈറ്റി എന്നിവ സംയുക്തമായി തേക്കടി ബാംബൂ ഗ്രോവിൽ സംഘടിപ്പിച്ച ഗ്രീൻ പനോരമ പരിസ്ഥിതി ചലച്ചിത്രമേള ഉദ്ഘാടനം ചെയ്യുകയായിരുന്നു അദ്ദേഹം. 29 വരെയാണ് മേള. ഉദ്ഘാടന സമ്മേളനത്തിൽ കടുവ സങ്കേതം െഡപ്യൂട്ടി ഡയറക്ടർ ശിൽപ വി. കുമാർ, പി.എൻ. ഉണ്ണികൃഷ്ണൻ, എം.എസ്. തങ്കപ്പൻ, ഫാ. സോണി കണ്ണാലി തുടങ്ങിയവർ പങ്കെടുത്തു.