വൈദ്യുതി മുടങ്ങും

അടൂർ: ഹൈടെൻഷൻ വൈദ്യുതി ലൈനിൽ അറ്റകുറ്റപ്പണി നടത്തുന്നതിനാൽ ഏഴംകുളം സബ് ഡിവിഷൻ പരിധിയിൽ ചൊവ്വാഴ്ച രാവിലെ ഒമ്പ ത് മുതൽ വൈകീട്ട് 5.30 വരെ വൈദ്യുതി തടസ്സപ്പെടാൻ സാധ്യതയുണ്ടെന്ന് കെ.എസ്.ഇ.ബി.എൽ ഏഴംകുളം ഓഫിസ് അധികൃതർ അറിയിച്ചു. വീണ്ടും കക്കൂസ് മാലിന്യം തള്ളി പന്തളം: പന്തളം ഐരാണിക്കുടിയിൽ വീണ്ടും കക്കൂസ് മാലിന്യം തള്ളി. വഴിയാത്രക്കാരും സമീപവാസികളും ദുർഗന്ധം കാരണം വലയുന്നു. നിരവധി തവണ മുനിസിപ്പാലിറ്റിയിലും പൊലീസിലും പരാതി നൽകിയെങ്കിലും നടപടി സ്വീകരിച്ചില്ല. റബർ കൃഷി ചെയ്യുന്ന ഈ ഭാഗത്ത് മാലിന്യം കാരണം ടാപ്പിങ്ങിന് കഴിയുന്നില്ല. പന്തളം നഗരസഭയുടെ പല ഭാഗങ്ങളിലും കക്കൂസ് മാലിന്യം ഒഴുക്കുന്നത് പതിവാണ്. നടപടി സ്വീകരിച്ചില്ലെങ്കിൽ സമരം നടത്തുമെന്ന് വാർഡ് കൗൺസിലർ കെ.ആർ. വിജയകുമാർ പറഞ്ഞു.