കർഷക വഞ്ചനക്ക്​ ബാലറ്റിലൂടെ മറുപടി നൽകും

തൊടുപുഴ: കർഷക വായ്പകൾക്ക് മൊറേട്ടാറിയം പ്രഖ്യാപിച്ച് ഉത്തരവിറക്കാത്ത ഇടതുസർക്കാറി​െൻറ കർഷകരോട് അവഗണനക് ക് ബാലറ്റിലൂടെ മറുപടി നൽകുമെന്ന് സ്വതന്ത്ര കർഷക സംഘം ജില്ല കമ്മിറ്റി. കൃഷിമന്ത്രിയുടെ നിരുത്തരവാദ സമീപനംകൊണ്ടാണ് ഉത്തരവ് ഇറങ്ങാതിരുന്നത്. ഇതി​െൻറ ഉത്തരവാദിത്തം ഏറ്റെടുത്ത് കൃഷിമന്ത്രി രാജിവെക്കണം. കാർഷിക ആത്മഹത്യ പെരുകിയ സാഹചര്യത്തിലാണ് മന്ത്രി മൊറേട്ടാറിയം പ്രഖ്യാപിച്ചത്. മന്ത്രിസഭാ തീരുമാനത്തി​െൻറ ഉത്തരവ് 48 മണിക്കൂറിനുള്ളിൽ ഇറങ്ങേണ്ടതാണ് ചട്ടം. ഇതറിയാത്തവരല്ല മന്ത്രിമാരും ചീഫ് സെക്രട്ടറിയുമെന്ന് ജില്ല പ്രസിഡൻറ് ടി.എം. ബഷീർ, ജനറൽ സെക്രട്ടറി മുഹമ്മദ് ഇരുമ്പുപാലം എന്നിവർ പ്രസ്താവനയിൽ അറിയിച്ചു.