രാഹുൽ ഗാന്ധിയുടെ പ്രഖ്യാപനം തട്ടിപ്പ്​ ^മന്ത്രി എം.എം. മണി

രാഹുൽ ഗാന്ധിയുടെ പ്രഖ്യാപനം തട്ടിപ്പ് -മന്ത്രി എം.എം. മണി കുമളി: രാജ്യത്ത് 33 ശതമാനം വനിത സംവരണം നടപ്പാക്കുമെന്ന രാഹുൽ ഗാന്ധിയുടെ പ്രഖ്യാപനം ശുദ്ധ തട്ടിപ്പാണെന്ന് മന്ത്രി എം.എം. മണി. പത്തുവർഷം മാതാവും നേതാവും അടയിരുന്ന് ചിതലരിച്ചതാണ് ഇപ്പോൾ നടപ്പാക്കുമെന്ന് പറയുന്നത്. ഇടതു സ്ഥാനാർഥി ജോയ്സ് ജോർജി​െൻറ െതരഞ്ഞെടുപ്പ് പ്രചാരണാർഥം കുമളി ടൗണിൽ നടന്ന പൊതുസമ്മേളനത്തിൽ സംസാരിക്കുകയായിരുന്നു മന്ത്രി. രാജ്യത്തെ രക്ഷിക്കാൻ മോദിയെ പുറത്താക്കണം. കോൺഗ്രസുകാരൻ ജയിച്ച് പാർലമ​െൻറിലെത്തിയാൽ 100 കോടി കിട്ടിയാൽ മറുകണ്ടം ചാടും. ഹോളിഡേ ഹോമിൽ നടന്ന കൺവെൻഷന് ശേഷം ടൗണിൽ നടന്ന പൊതുയോഗത്തിൽ ജോയ്സ് ജോർജ്, ഇ.എസ്. ബിജിമോൾ എം.എൽ.എ, വാഴൂർ സോമൻ, ആർ. തിലകൻ തുടങ്ങിയവർ പങ്കെടുത്തു.