പരിസ്ഥിതി സൗഹൃദ ടൂറിസം ഉദ്​ഘാടനം

കോട്ടയം: പ്രവാസി ക്ഷേമസമിതിയുടെ നേതൃത്വത്തിൽ പരിസ്ഥിതി സൗഹൃദ ടൂറിസം ലക്ഷ്യമിട്ട് പി.കെ.എസ് ടൂര്‍സ് ആൻഡ് ട്രാവൽസ് പ്രൈവറ്റ് ലിമിറ്റഡി​െൻറ ഉദ്ഘാടനം ഒക്‌ടോബര്‍ രണ്ടിന് കേന്ദ്രമന്ത്രി അല്‍ഫോന്‍സ് കണ്ണന്താനം നിര്‍വഹിക്കും. രാവിലെ 8.30ന് കോട്ടയം പ്രസ്‌ക്ലബ് ഹാളിലാണ് ഉദ്ഘാടന യോഗം. തിരുവഞ്ചൂര്‍ രാധാകൃഷ്ണന്‍ എം.എൽ.എ അധ്യക്ഷത വഹിക്കും. മടങ്ങിയെത്തുന്ന പ്രവാസികളുടെ പുനരധിവാസവും ക്ഷേമവും മുന്‍നിര്‍ത്തിയുള്ള സേവനസംരംഭമാണിത്. ജില്ലകളിൽ യൂനിറ്റുകള്‍ പ്രവര്‍ത്തിക്കും. താമസ സൗകര്യങ്ങൾ, ഹോംസ്‌റ്റേ, ഉള്‍നാടന്‍ യാത്രകള്‍ തുടങ്ങിയവയാണ് സവിശേഷതകൾ. വാർത്തസമ്മേളനത്തിൽ ഡയറക്ടര്‍ ബോര്‍ഡ് അംഗങ്ങളായ സി.എൻ. പരമേശ്വരൻ, സ്മിജേഷ് സി. സുകുമാരൻ, വി.ടി. ശ്രീകുമാർ, ആർ.എസ്. ശശികുമാർ, മുരളി കോവൂര്‍ എന്നിവര്‍ പങ്കെടുത്തു.