കന്യാസ്​ത്രീസമരത്തിന്​ ​െഎക്യദാർഢ്യവുമായി കുറവിലങ്ങാട്ടും സമരം

േകാട്ടയം: പീഡനത്തിനിരയായ കന്യാസ്ത്രീക്ക് നീതി ലഭ്യമാക്കണമെന്നാവശ്യപ്പെട്ട് കൊച്ചിയിൽ നടത്തുന്ന പ്രക്ഷോഭത്തിന് ഐക്യദാർഢ്യവുമായി കന്യാസ്ത്രീ അംഗമായ മഠം സ്ഥിതിചെയ്യുന്ന കുറവിലങ്ങാട്ട് സമരം. സേവ് ഒൗവർ സിസ്റ്റേഴ്സ് ഫോറത്തി​െൻറ ആഭിമുഖ്യത്തിൽ കുറവിലങ്ങാട് ബസ് സ്റ്റാൻഡിന് സമീപമാണ് സായാഹ്ന ധർണ സംഘടിപ്പിച്ചത്. ബിഷപ്പിനെ സംരക്ഷിക്കാനുള്ള നടപടിയാണ് പൊലീസ് സ്വീകരിക്കുന്നെതെന്ന് മുഖ്യപ്രഭാഷണം നടത്തിയ അഡ്വ. ഇന്ദുലേഖ ആരോപിച്ചു. ഫോറം പ്രസിഡൻറ് ജോർജ് ജോസഫ്, സണ്ണി എം. കപിക്കാട്, പൗരാവകാശ സമിതി സെക്രട്ടറി പി.ജെ. തോമസ്, കേരള കത്തോലിക്ക സഭ നവീകരണ പ്രസ്ഥാനം ചെയർമാൻ പ്രഫ. വി.സി. ദേവസ്യ, അഡ്വ. ടി.പി. ജോർജ്, ജോർജ് മൂലച്ചാൽ, ബെഞ്ചമിൻ ആൻറണി, സി.എസ്. ജോർജ്, സണ്ണി ജോസഫ്, പ്രഫ. സെബാസ്റ്റ്യൻ വട്ടമറ്റം, ലൂസിയാമ്മ കുര്യൻ എന്നിവർ സംസാരിച്ചു.