ഒഴുക്കിക്കളഞ്ഞത്​ 620 കോടിയുടെ വൈദ്യുതിക്കുള്ള വെള്ളം

ചെറുതോണി: ഇടുക്കി അണക്കെട്ട് തുറന്നുവിട്ട 30 ദിവസംകൊണ്ട് ഒഴുക്കിക്കളഞ്ഞത് 1063.266 ദശലക്ഷം ഘനമീറ്റര്‍ ജലം. 1550.6 ദശലക്ഷം യൂനിറ്റ് വൈദ്യുതി ഇത്രയും വെള്ളംകൊണ്ട് ഉൽപാദിപ്പിക്കാം. ശരാശരി വിലയായ നാലുരൂപ വെച്ച് കണക്കാക്കിയാല്‍ 620 കോടി രൂപയുടെ വൈദ്യുതിക്കുള്ള വെള്ളമാണിത്. 2017 സെപ്റ്റംബറിൽ പവര്‍ എക്‌സ്‌ചേഞ്ചില്‍നിന്ന് കേരളം വൈദ്യുതി വാങ്ങിയത് യൂനിറ്റിന് 9.90 നിരക്കിലാണ്. ഇതുെവച്ച് കണക്കുകൂട്ടിയാല്‍ 1534.5 കോടി രൂപയുടെ വൈദ്യുതിക്കുള്ള വെള്ളമുണ്ട്.