സ്ത്രീ പീഡനക്കേസിൽ കേരളത്തിൽ ഇരട്ടനീതി -യൂത്ത് കോൺഗ്രസ്

കോട്ടയം: സ്ത്രീ പീഡനക്കേസുകളിൽ സി.പി.എം നേതാക്കൾ പ്രതിയാകുമ്പോൾ പാർട്ടി അന്വേഷണവും സാധാരണക്കാർ പ്രതിയാകുമ്പോൾ പൊലീസ് അന്വേഷണവും എന്ന ഇരട്ടനീതിയാണുള്ളതെന്ന് യൂത്ത് കോൺഗ്രസ് സംസ്ഥാന പ്രസിഡൻറ് ഡീൻ കുര്യാക്കോസ്. സ്വമേധയാ കേസെടുക്കില്ല എന്നുപറഞ്ഞ് പാർട്ടി നേതാക്കൾക്ക് ദാസ്യപ്പണി ചെയ്യുന്ന വനിത കമീഷൻ പിരിച്ചുവിടണം. പരസ്യമായി സ്ത്രീപീഡകരെ സഹായിക്കുന്ന വനിത കമീഷൻ അധ്യക്ഷ കേരളത്തിന് അപമാനമാണെന്നും ഡീൻ കുര്യാക്കോസ് പ്രസ്താവനയിൽ പറഞ്ഞു.