കഞ്ചാവ് ഉപയോഗത്തിനുള്ള ഹുക്കയുമായി അഞ്ച് കുട്ടികൾ പിടിയിൽ

ഏറ്റുമാനൂർ: കഞ്ചാവി​െൻറ ഉപയോഗത്തിനുള്ള പിത്തള ഹുക്ക പിടികൂടി. ഏറ്റുമാനൂർ എക്സൈസ് റേഞ്ച് ഇൻസ്പെക്ടർ രാഗേഷ് ബി. ചിറയത്തി​െൻറ നേതൃത്വത്തിൽ പള്ളിമല ഭാഗത്ത് നടത്തിയ റെയ്ഡിലാണ് ഇത് കണ്ടെത്തിയത്. 7,000 രൂപ വിലപിടിപ്പുള്ളതാണിത്. ഹുക്ക ഉപയോഗിച്ച് സ്കൂൾ കുട്ടികൾ കഞ്ചാവ് വലിക്കുന്നുണ്ടെന്ന് ലഭിച്ച വിവരത്തെത്തുടർന്നാണ് പരിശോധന നടത്തിയത്. റെയ്ഡിൽ പ്രായപൂർത്തിയാകാത്ത അഞ്ച് കുട്ടികളെ പിടികൂടി. ഇവർക്ക് കൗൺസലിങ് നടത്തിയശേഷം മാതാപിതാക്കളോടൊപ്പം വിട്ടയച്ചു. ഓൺലൈൻ വഴിയാണ് ഇത് വാങ്ങിയതെന്നാണ് കുട്ടികൾ പറഞ്ഞത്.