വിലക്ക് നീങ്ങി; ഇടുക്കിയിലെ വിനോദ സഞ്ചാരമേഖലക്ക്​ ആശ്വാസം

കുമളി: മഴക്കെടുതികളെ തുടർന്ന് ഇടുക്കി ജില്ലയിലെ വിനോദ സഞ്ചാരമേഖലയിൽ ഏർപ്പെടുത്തിയ വിലക്ക് കലക്ടർ പിൻവലിച്ചതോടെ തേക്കടി ഉൾെപ്പടെ ജില്ലയിലെ വിനോദ സഞ്ചാരകേന്ദ്രങ്ങൾക്ക് ആശ്വാസം. കലക്ടറുടെ ഉത്തരവ് വന്നതിനു പിന്നാലെ തേക്കടിയിൽ ബോട്ട് സവാരി പുനരാരംഭിച്ചു. ആഗസ്റ്റ് 10നാണ് സുരക്ഷാ മുൻകരുതലി​െൻറ ഭാഗമായി കലക്ടർ നിരോധനം ഏർപ്പെടുത്തിയത്. ശനിയാഴ്ച രാവിലെ 11.15​െൻറ ബോട്ട് സവാരിയോടെയാണ് ആരംഭിച്ചത്. വനംവകുപ്പി​െൻറ ഇക്കോ ടൂറിസം പരിപാടികളും പുനരാരംഭിച്ചിട്ടുണ്ട്. പ്രളയക്കെടുതികളുടെ ഭാഗമായ നിയന്ത്രണം മൂലം കോടികളുടെ നഷ്ടമാണ് ഉണ്ടായതെന്ന് ഈ രംഗത്തുള്ളവർ പറയുന്നു. സഞ്ചാരികൾ മറ്റ് സംസ്ഥാനങ്ങളിലേക്ക് പോയത് സംസ്ഥാനത്തെ വിനോദ സഞ്ചാരരംഗത്തിന് വൻ തിരിച്ചടിയായി.