വരയാടുകളുടെ കണക്കെടുപ്പ്​ ഇനി മുതൽ വർഷത്തിൽ രണ്ടുതവണ

മൂന്നാര്‍: വരയാടുകളുടെ കണക്കെടുപ്പ് ഇനി മുതല്‍ വർഷത്തിൽ രണ്ടുതവണ നടത്തുമെന്ന് മൂന്നാര്‍ വൈല്‍ഡ് ലൈഫ് വാര്‍ഡന്‍ ആര്‍. ലക്ഷ്മി. ഒക്ടോബര്‍-നവംമ്പര്‍ മാസത്തില്‍ തമിഴ്‌നാടി​െൻറ സഹകരണത്തോടെ സർവേ നടത്തുന്നതിന് നടപടിയെടുക്കും. ഇപ്പോൾ നടക്കുന്ന രീതിയിൽ വരയാടുകളുടെ പ്രജനനകാലം പൂർത്തിയായശേഷം ഏപ്രിലിലും കണക്കെടുപ്പ് നടത്തും. വ്യക്തമായ കണക്ക് ശേഖരിക്കുന്നതിന് തമിഴ്‌നാടി​െൻറ സഹായം ആവശ്യമാണ്. ഇരവികുളം ദേശീയോദ്യാനം, ചൊക്കര്‍മുടി, മീശപ്പുലിമല, കൊളുക്കുമല എന്നിവിടങ്ങളില്‍ വരയാടുകളുടെ സാന്നിധ്യം കണ്ടെത്തിയ സാഹചര്യത്തിലാണ് തമിഴ്നാടി​െൻറ സഹകരണം ഉറപ്പാക്കുന്നത്. മൂന്നാറില്‍ പെട്ടെന്നുണ്ടായ കാലാവസ്ഥ വ്യതിയാനം വരയാടുകളുടെ സർവേ നീളാന്‍ കാരണമായി. വര്‍ഷം രണ്ടുതവണ സർവേ നടത്തുന്നതിലൂടെ എണ്ണത്തിലെ വർധന കണ്ടെത്തുന്നതിനും ആവാസവ്യവസ്ഥയിലെ വ്യതിയാനം മനസ്സിലാനും കഴിയുമെന്നാണ് വിലയിരുത്തല്‍.