എം.ജി സർവകലാശാല വാർത്തകൾ

യു.ജി.സി-നെറ്റ്/ജെ.ആർ.എഫ് പരീക്ഷ പരിശീലനം കോട്ടയം: യു.ജി.സി നടത്തുന്ന മാനവിക വിഷയങ്ങൾക്കുള്ള നെറ്റ്/ജെ.ആർ.എഫ് പരീക്ഷയുടെ ജനറൽ പേപ്പറിന് വേണ്ടിയുള്ള പരിശീലനം എം.ജി യൂനിവേഴ്സിറ്റി എംപ്ലോയ്മ​െൻറ് ഇൻഫർമേഷൻ ആൻഡ് ഗൈഡൻസ് ബ്യൂറോ ആഭിമുഖ്യത്തിൽ സർവകലാശാല കാമ്പസിൽ നടത്തും. പങ്കെടുക്കാൻ താൽപര്യമുള്ളവർ ഓഫിസുമായോ 0481-2731025 നമ്പറിലോ ബന്ധപ്പെടണം. സിവിൽ സർവിസ് പരീക്ഷ പരിശീലനത്തിന് 30വരെ അപേക്ഷിക്കാം എം.ജി സർവകലാശാല ഡിപ്പാർട്മ​െൻറ് ഓഫ് ലൈഫ്ലോങ് ലേണിങ്ങിൽ യു.പി.എസ്.സി സിവിൽ സർവിസ് പ്രാഥമിക പരീക്ഷ പരിശീലനത്തിന് ഇ-പേ സംവിധാനത്തിലൂടെ 200 രൂപ അടച്ച് േമയ് 30വരെ ബിരുദ വിദ്യാർഥികൾക്ക് അപേക്ഷിക്കാം. ശനി, ഞായർ, മറ്റൊഴിവ് ദിവസങ്ങളിലായാണ് ക്ലാസുകൾ ക്രമീകരിച്ചിരിക്കുന്നത്. റിട്ട. ഡി.ജി.പി ഡോ. അലക്സാണ്ടർ ജേക്കബാണ് ഓണററി ഡയറക്ടർ. ജൂൺ ഒമ്പതിന് നടത്തുന്ന അഭിരുചി എഴുത്തുപരീക്ഷയിലെ മികവി​െൻറ അടിസ്ഥാനത്തിലാണ് പ്രവേശനം. വിശദ വിജ്ഞാപനവും അപേക്ഷഫോറവും www.mgu.ac.in, www.dllemgu.in വെബ്സൈറ്റുകളിൽ ലഭിക്കും. ഫോൺ: 0481-2731560, 2731724. ഇ-മെയിൽ: mgulifelong@gmail.com.