മണ്ണങ്കര^പടിയറക്കടവ് പുത്തൻതോട് നവീകരണത്തിന്​ തുടക്കം

മണ്ണങ്കര-പടിയറക്കടവ് പുത്തൻതോട് നവീകരണത്തിന് തുടക്കം കോട്ടയം: നദീപുനർസംയോജന പദ്ധതിയുടെ ഭാഗമായി മണ്ണങ്കര-പടിയറക്കടവ് പുത്തൻതോട് നവീകരിക്കുന്നു. ശുചീകരണയജ്ഞം ക്നാനായ യാക്കോബായ സഭ അധ്യക്ഷൻ ആർച് ബിഷപ് കുര്യാക്കോസ് മാർ സേവേറിയോസ് ഉദ്ഘാടനം ചെയ്തു. രാജു ജോൺ അധ്യക്ഷത വഹിച്ചു. ഹരിതകേരള മിഷൻ വൈസ് ചെയർപേഴ്‌സൻ ഡോ. ടി.എൻ. സീമ, മീനച്ചിലാർ-മീനന്തറയാർ-കൊടൂരാർ പുനർസംയോജന പദ്ധതി കോഓഡിനേറ്റർ കെ. അനിൽകുമാർ, പുരോഗമന കലാസാഹിത്യ സംഘം ജില്ല പ്രസിഡൻറ് ബി. ശശികമാർ, പി.പി. ജോയ്, അനിയൻകുഞ്ഞ് എന്നിവർ സംസാരിച്ചു. വാകത്താനം-പനച്ചിക്കാട് പ്രദേശങ്ങളെ വേമ്പനാട്ടുകായലുമായി ബന്ധിപ്പിച്ചിരുന്നതാണ് പുത്തൻതോട്. പിന്നീട് ഒഴുക്കുനിലച്ച് വിസ്മൃതിയിലേക്ക് നീങ്ങുകയായിരുന്നു. പടിയറക്കടവിൽ ആരംഭിച്ച് കുഴിമറ്റം, ചിങ്ങവനം പ്രദേശങ്ങളിലൂടെ കടന്ന് കോട്ടയം-ചങ്ങനാശ്ശേരി പരമ്പരാഗത ജലപാതയിൽ മണ്ണങ്കരയിൽ വന്നുചേരുന്ന തോടാണ് പുത്തൻതോട്. വേലിയേറ്റത്തിന് കായൽജലം ഇടനാട്ടിലെ പാടശേഖരങ്ങളിലെത്തിച്ചിരുന്നത് ഈ തോടായിരുന്നു. പതിറ്റാണ്ടുകളായി ഗതാഗത ആവശ്യത്തിനും ഈ തോടിനെ ആശ്രയിച്ചിരുന്നു. ഗാർഹിക ആവശ്യത്തിനും ജലസേചനത്തിനുമായി വേനൽക്കാലത്തുപോലും ജലസമൃദ്ധമായിരുന്ന പുത്തൻതോട് പിന്നീട് മഴക്കാലത്തും നീരൊഴുക്ക് നിലച്ച സ്ഥിതിയിലെത്തിയിരുന്നു. പുത്തൻതോടിനെ പഴയ പ്രതാപത്തിലെത്തിക്കാൻ മണ്ണങ്കര മുതൽ ഫാക്ട് കടവ് വരെയുള്ള ഭാഗത്തുള്ള തോടി​െൻറ ആഴംകൂട്ടി നവീകരിക്കുന്ന ജോലികളാണ് ആരംഭിച്ചത്.