വിദേശജോലി വാഗ്​ദാനം നൽകി പണം തട്ടൽ​; ഒരാൾ പിടിയിൽ

അടിമാലി: വിദേശത്ത് ജോലി വാഗ്ദാനം നൽകി ലക്ഷങ്ങൾ തട്ടിയെടുത്തയാളെ അടിമാലി പൊലീസ് പിടികൂടി. പുതുശേരി പടിയങ്ങാട്ട് സജിത്തിനെയാണ് (54) അടിമാലി എസ്.ഐ ജി.എസ്. ഹരിയുടെ നേതൃത്വത്തിൽ അറസ്റ്റ് ചെയ്തത്. കുത്തുപാറ മൂഴികുഴി റോബിൻ പയസ്, അടിമാലി പുത്തൻപുര തങ്കച്ചൻ എന്നിവരുടെ പരാതിയിലാണ് അറസ്റ്റ്. സംഭവവുമായി ബന്ധപ്പെട്ട് വെള്ളത്തൂവൽ വലിയവിള ലോറൻസിനായി പൊലീസ് തിരച്ചിൽ ഉൗർജിതമാക്കി. വിദേശത്ത് ജോലി വാഗ്ദാനം നൽകി റോബിൻ പയസിൽനിന്ന് 1.8 ലക്ഷവും തങ്കച്ചനിൽനിന്ന് 1.7 ലക്ഷവും ഇവർ തട്ടിയെടുത്തതായാണ് കേസ്. എറണാകുളത്ത് വിദേശജോലിക്ക് ആളെ അയക്കുന്ന സ്ഥാപനത്തി​െൻറ മറവിലാണ് തട്ടിപ്പ് നടത്തിയത്. ബഹ്റൈനിൽ ജോലിക്ക് ആളുകളെ ആവശ്യമുണ്ടെന്നു പറഞ്ഞ് േലാറൻസാണ് ഇവരെ സജിത്തി​െൻറ അടുക്കൽ എത്തിച്ചത്. വ്യാജ വിസ നൽകിയാണ് പണം കൈപ്പറ്റിയത്. തട്ടിപ്പ് മനസ്സിലാക്കി, നൽകിയ പണം തിരികെ ആവശ്യപ്പെട്ടെങ്കിലും കിട്ടാതായതോടെയാണ് ഇവർ അടിമാലി പൊലീസിൽ പരാതിനൽകിയത്. സംഭവത്തിനുപിന്നിൽ നിരവധി ആളുകൾ ഉണ്ടെന്നും കൂടുതൽ പേർ പിടിയിലാകുമെന്നും പൊലീസ് പറഞ്ഞു.